Marathi News Live Updates: पुण्यात ⁠राष्ट्रवादी काँग्रेस शरदचंद्र पवार पक्षाच्या इच्छुक उमेदवारांच्या मुलाखती सुरू

पुण्यात ⁠राष्ट्रवादी काँग्रेस शरदचंद्र पवार पक्षाच्या इच्छुक उमेदवारांच्या मुलाखती सुरू

⁠आज पुणे शहर आणि पुणे जिल्ह्यातील इच्छुक उमेदवारांच्या मुलाखती पार पडणार

निसर्ग मंगल कार्यालयात होत आहेत इच्छुक उमेदवारांच्या मुलाखती

इच्छुक उमेदवार आणि त्यांच्या समर्थकांचे निसर्ग कार्यालयात मोठी गर्दी

पुणे शहरातील शिवाजीनगर विधानसभा मतदारसंघातून शरद पवार यांच्या राष्ट्रवादी काँग्रेस पक्षाकडून सात उमेदवार इच्छुक.

सात उमेदवारांनी आज दिली शिवाजीनगर विधानसभा मतदारसंघासाठी मुलाखत.

शिवाजीनगर विधानसभा मतदारसंघ जागा वाटपात काँग्रेसकडे.

2019 मध्ये काँग्रेसने या ठिकाणावरून निवडणूक लढवली होती.

तर वडगाव शेरी मधून माजी आमदार बापूसाहेब पठारे यांनी दिली मुलाखत .

बापूसाहेब पठारे यांनी नुकताच भाजपमधून शरद पवार यांच्या राष्ट्रवादी काँग्रेस.

मंत्रालयात नोकरीच्या नावाखाली लाखों रुपयांची फसवणूक.

लिपिक पदाचे बोगस नियुक्ती पत्र देऊन चार लाख वीस हजार रूपये घेतले.

या प्रकरणी एका दांपत्यास भाईंदर पोलिसांनी अटक केली आहे.

सागर कासारे, प्रिती कासारे असे या आरोपींचे नावे आहेत.

प्रिती कासारे हे बोरिवली मध्ये इव्हेंट मॅनेजमेंटच काम करतात.

केंद्रीय मंत्रिमंडळाची आज बैठक

या बैठकीत सरकार केंद्रीय कर्मचाऱ्यांच्या महागाई भत्यात वाढ करण्याची शक्यता आहे

केंद्र सरकार दिवाळीच्या पार्श्वभूमीवर महागाई भत्यात ३ ते ४ टक्के वाढ करू शकते

सरकारी कर्मचाऱ्यांना सध्या ५० टक्के महागाई भत्ता मिळतो

राहुल गांधी यांचं नागरिकत्व रद्द करा, या संदर्भात भाजप नेते सुब्रह्मण्यम स्वामी यांनी दिल्ली उच्च न्यायालयात दाखल केलेल्या याचिकेवर आज सुनावणी

या याचिकेत गृहमंत्रालयाला राहुल गांधी यांचं नागरिकत्व रद्द करण्यासाठी आदेश देण्याची मागणी करण्यात आली आहे

सुब्रह्मण्यम स्वामी यांच्या मते राहुल गांधी यांनी इग्लंडचं नागरिकत्व स्वीकारले होते त्यामुळं त्यांचे नागरिकत्व रद्द करावं

२६ सप्टेंबरला पार पडलेल्या सुनावणीत न्यायालयाने या प्रकरणात अलहाबाद उच्च न्यायालयात सुनावणी सुरू असल्याने आम्ही या प्रकरणात सुनावणी करू शकत नाही

त्यानंतर न्यायालयाने गृहमंत्रालयाकडे या केसंच स्टेटस काय आहे याची माहिती देण्यास सांगितलं होतं

त्यानंतर आज सुनावणी होणार

Navi Mumbai : गॅस सिलींडरची डिलीव्हरी करणाऱ्या टेम्पो चालकाला दमदाटी करुन त्याच्याकडुन 3 हजार रुपये उकळणे नवी मुंबई पोलीस दलातील तीन पोलीस कर्मचाऱ्यांना चांगलेच महागात पडलेय. स्वफ्निल देवरे, विशाल दखणे आणि सचिन बोरकर अशी या तीन पोलिसांची नावे असून सदर प्रकरणात या तिघांवर नेरुळ पोलीस ठाण्यात खंडणी उकळल्याप्रकरणी गुन्हा दाखल झाल्यानंतर त्यांच्यावर निलंबनाची कारवाई करण्यात आली

Mumbai Air quality : मुंबईतील हवेची गुणवत्ता खालावली आहे. वांद्रे-कुर्ला संकुलमध्ये हवा गुणवत्ता निर्देशांक 238वर पोहचलाय. वांद्रे-कुर्ला संकुलमध्ये हवेची गुणवत्ता वाईट श्रेणीत गेली आहे.

पुणे महापालिकेतील १८ हजार कर्मचारी, अधिकाऱ्यांची दिवाळी गोड होणार

पुणे महापालिका कर्मचाऱ्यांना मिळणार दिवाळीचा बोनस

त्यांना दिवाळीपूर्वी ८.३३ टक्के बोनस त्याचप्रमाणे २३ हजार रुपयांचे सानुग्रह अनुदानाची रक्कम बँक खात्यात जमा होणार

वित्त व लेखा विभागाने यासंदर्भात काढले परिपत्रक

यासाठी अर्थसंकल्पात सुमारे १२५ कोटी रुपयांची तरतूद

लेखा व वित्त विभागाने काढलेल्या परिपत्रकात १८ ऑक्टोबर पर्यंत सर्व बिले तपासून घेण्याचे विभाग प्रमुखांना देण्यात आले आदेश

शिवसेनेची मुंबईत आज दसरा मेळावा आढावा बैठक होणार आहे. खासदार डॉ. श्रीकांत शिंदे बैठक घेणार आहेत.

मुंबईत सर्वच 36 विधानसभा मतदार संघांतील पदाधिकारी-कार्यकर्त्यांशी संवाद साधणार आहेत. निवडणुकीच्या पार्श्वभूमीवर खासदार डॉ. श्रीकांत शिंदेंचा बैठकांचा धडाका सुरु झालाय.

मुंबईतील दसरा मेळाव्याची शिवसेनेकडून जय्यत तयारी करण्यात येत आहे. येत्या शनिवारी 12 ऑक्टोबर रोजी दसरा मेळावा होणार आहे. मेळाव्याला माननीय मुख्यमंत्री एकनाथ शिंदे मार्गदर्शन करणार आहेत.

अक्षय बडवे, पुणे साम प्रतिनिधी

पुण्यातील कसबा विधानसभेसाठी भाजपमध्ये चढाओढ पाहायला मिळत आहे.

पक्षाचे शहर अध्यक्ष धीरज घाटे यांच्यासाठी भाजपचे काही पदाधिकारी आक्रमक

कसब्यातून धीरज घाटे यांनाच उमेदवारी द्या, शहरातील काही पदाधिकाऱ्यांची थेट प्रदेशाध्यक्ष चंद्रशेखर बावनकुळे यांच्याकडे मागणी

पुणे शहर भाजपाच्या पदाधिकाऱ्यांनी मंगळवारी पक्षाचे प्रदेशाध्यक्ष चंद्रशेखर बावनकुळे यांच्याकडे जाऊन ही मागणी केली

पुणे शहरातील पक्षाच्या पदाधिकाऱ्यांनी घेतली चंद्रशेखर बावनकुळे यांची मुंबईत जाऊन भेट

पोटनिवडणुकीत हातातून निसटलेला आपला पारंपरिक मतदारसंघ भाजपा पुन्हा एकदा खेचून आणू शकतो, पदाधिकाऱ्यांचा बावनकुळे यांना विश्वास

हेमंत रासने सुद्धा कसबा विधानसभा मधून इच्छुक आहेत

समृद्धी महामार्गावर कंटेनर आणि लक्झरी ट्रॅव्हलचा अपघात झालाय. एका जणाला गंभीर दुखापत झाली आहे, तर 16 जण किरकोळ जखमी आहेत. वैजापूर जवळील समृद्धी महामार्गावर चॅनल नंबर 496.6 जवळ अपघात झालाय.

लक्झरी ट्रॅव्हल्स मुंबईच्या दिशेने जात असताना समोर जात असलेल्या कंटेनरला पाठीमागून धडक दिल्याने अपघात झाला.