Saam Impact: महाराष्ट्र केसरी पृथ्वीराज पाटील याला भाजपकडून 5 लाखांचे बक्षीस

कोल्हापीर : विरोधी पक्षनेते देवेंद्र फडणवीस (Devendra Fadnavis) यांनी आज कोल्हापूर येथील पत्रकार परिषदेत बोलताना महाराष्ट्र केसरीचा किताब पटकाविणाऱ्या पैलवान पृथ्वीराज पाटील (Prithviraj Patil) याला भाजपकडून ५ लाख रुपयांचं बक्षीस देणार असल्याचं जाहीर केलं.

दरम्यान, मला केवळ मानाची गदा पारिताेषिक देण्यात आले असून संयाेजकांनी राेख रक्कम दिली नसल्याची खंत पैलवान पृथ्वीराज पाटील याने साम टीव्हीशी बाेलताना व्यक्त केली होती. ही बातमी साम टीव्हीने (Saam TV) लावून धरल्यानंतर अखेर राजकीय पक्षांकडून आता पृथ्वीराज याला मदत करण्यास सुरुवात केली आहे.

हे देखील पहा

महाराष्ट्र केसरीच्या (Maharashtra Kesari) गदेसाठी कोल्हापूरचा वय वर्ष २० असणाऱ्या पृथ्वीराज पाटील याने मुंबई पूर्वच्या विशाल बनकर याला चीतपट करुन २०२२ ची महाराष्ट्र केसरीची गदेचा मान कोल्हापूरच्या नावावर केला. या निकालानंतर त्याचं सगळीकडे कौतूक झालं मीडियावर बातम्या देखील दाखवल्या गेल्या. मात्र, पृथ्वीराजला केवळ गदा देण्यात आली संयोजकांनी जे बक्षीस घोषीत केलं होतं ते आपणाला मिळालेच नसल्याचं त्यांने साम टीव्हीशी बोलतना सांगितलं होतं.

दरम्यान, आज कोल्हापूर उत्तर पोटनिवडणुकीच्या (Kolhapur North By-Election) पार्श्वभूमिवर कोल्हापूरात आलेल्या फडणवीसांनी पत्रकार परिषदेत बोलत असताना भारतीय जनता पक्षाकडून आम्ही पृथ्वीराजला ५ लाख रुपयांचं बक्षीस देत असल्याचं फडणवीस यांनी जाहीर केलं.

Edited By - Jagdish Patil