मराठी हिंदी वादात राज्यपालांची उडी,भाषिक वाद राज्यासाठी अहितकारी

राज्यात पेटलेल्या मराठी विरुद्ध हिंदी वादात राज्यपाल सी पी राधाकृष्ण यांनी उडी घेतलीय... कुणी मारझोड केली तर मला मराठी येईल का? असं म्हणत राज्यपाल सी पी राधाकृष्ण यांनी नव्या वादाला तोंड फोडलंय.तर राज्यपालांनी भाषिक वादात उडी घेतल्याने आता विरोधकांनी राज्यपालांना कानपिचक्या दिल्यात...

राज्य सरकारने शिक्षणात त्रिभाषा सुत्राचा हवाला देत हिंदी सक्तीचा निर्णय घेतल्यानंतर भाषिक वादाची ठिणगी पडली... मात्र विरोधानंतर सरकारवर शासन निर्णय मागे घेण्याची नामुष्की ओढावली... दरम्यान परप्रांतियांकडून मराठी भाषेच्या अपमानाच्या घटना समोर आल्या... त्यामुळे मनसे, ठाकरे सेनेच्या कार्यकर्त्यांकडून मारहाणीचे प्रकारही घडले... मात्र आता या वादात राज्यपालांनी उडी घेतल्याने सरकारची कोंडी झालीय... त्यापार्श्वभुमीवर आता गृहराज्यमंत्री पंकज भोयर यांनी मात्र मराठीचा सूर आळवलाय...

एकीकडे बिहार विधानसभा निवडणूक आणि दुसरीकडे स्थानिक स्वराज्य संस्थांच्या निवडणूकीच्या आधी फक्त सरकारच नाही तर आता घटनात्मक पदावरील राज्यपालांनीही या वादात उडी घेतल्याने भाषिक वादाचे सरकारलाच चटके बसणार हे मात्र निश्चित....