Saam Impact : कर्मचाऱ्यांच्या लंच ब्रेकमुळे मतदान थांबलं; निवडणूक अधिकाऱ्यांवर कारवाई होणार, जिल्हाधिकाऱ्यांकडून आश्वासन

Yavamal washim lok sabha News : यवतमाळ-वाशीम लोकसभा मतदारसंघातील हिवरी येथील मतदान केंद्रावर दुपारच्या जेवणासाठी केंद्र बंद ठेवल्याचा प्रकार समोर आला आहे.
Yavamal washim lok sabha
Yavamal washim lok sabha Saam tv

संजय राठोड, यवतमाळ

यवतमाळ : देशात दुसऱ्या टप्प्यातील मतदान सुरु आहे. राज्यातील ८ लोकसभा मतदारसंघातही मतदान सुरु आहे. यवतमाळ-वाशिम लोकसभा मतदारसंघातही मतदान सुरु आहे. या लोकसभा मतदारसंघातील हिवरी येथील मतदान केंद्रावर दुपारच्या जेवणासाठी केंद्र बंद ठेवल्याचा प्रकार समोर आला आहे. या कर्माचाऱ्यांचा जेवण करतानाता व्हिडिओ सोशल मीडियावर व्हायरल झाला आहे. या घटनेनंतर जिल्हाधिकारी डाॅ.पकंज आशिया यांनी कारवाईचे आश्वसन दिलं आहे.

देशात जास्तीत जास्त मतदान व्हावे, यासाठी शासनाकडून युद्धपातळीवर प्रयत्न केले जात आहेत. मतदार वेळातून वेळ काढून मतदान केंद्रांवर मतदानासाठी येतात. याचदरम्यान यवतमाळच्या हिवरी येथील मतदान केंद्रावर चक्क दुपारच्या जेवणासाठी कर्मचाऱ्यांनी मतदान केंद्र बंद ठेवलं. त्यानंतर कर्मचाऱ्यांचा पंगतीत बसून जेवण केल. या प्रकाराचा व्हिडिओ सोशल मीडियावर व्हायरल होत आहे.

Yavamal washim lok sabha
Surat Lok Sabha Election 2024: सूरत लोकसभा मतदारसंघात पुन्हा ट्विस्ट; NOTAला उमेदवार माना, सुप्रीम कोर्टात याचिका

खरंतर मतदानाच्या दिवशी मतदानाची वेळ संपेपर्यंत मतदान प्रक्रिया बंद ठेवता येत नाही, तरी देखील बूथवरील कर्मचाऱ्यांनी सर्व नियम ढाब्यावर ठेवले. या कर्मचाऱ्यांनी मतदान प्रक्रिया बंद ठेवून जेवण केल्याने मतदारांना मनस्ताप सहन करावा लागला.

जिल्हाधिकारी डॉ. पंकज आशिया नेमकं म्हणाले?

जिल्हाधिकारी डॉ. पंकज आशिया म्हणाले,'यवतमाळमधील हिवरी येथील मतदान केंद्रावर दुपारच्या जेवणासाठी मतदान थांबवण्याचा प्रकार थांबवला. पाच ते दहा मिनिटांसाठी मतदान थांबलं होतं. तेथील सर्व मतदारांनी मतदान केलं आहे'.

'मतदानाची वेळ आहे. त्या मतदानामध्ये असा कोणताही वेळ दिला जात नाही. या प्रकारातील कर्मचाऱ्यांवर कारवाई केली जाईल. या प्रकरणातील संबंधित कर्मचाऱ्यांवर सखोल चौकाशी करून योग्य ती कारवाई करण्यात येईल, असे ते पुढे म्हणाले.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com