![Milk Price, RadhaKrishna Vikhe Patil](http://media.assettype.com/saamtv%2F2023-05%2Fec0e6af0-73b0-403f-83d4-d61b022f5127%2FSaam_TV___2023_05_22T112641_876.jpg?w=480&auto=format%2Ccompress&fit=max)
- सचिन बनसाेडे
Radhakrishna Vikhe Patil News : दूध उत्पादक शेतकऱ्यांच्या मागणीचा विचार करुन शिंदे-फडणवीस सरकारने दुधाला किमान ३४ रुपये दर देण्याचे निश्चित केले आहे. त्याबाबत राज्य शासनाने आदेश काढल्याची माहिती दुग्ध व पशुसंवर्धन मंत्री राधाकृष्ण विखे पाटील यांनी दिली. (Maharashtra News)
भेसळखाेरांना माेक्का लावणार
दुग्ध व पशुसंवर्धन मंत्री राधाकृष्ण विखे पाटील म्हणाले हा निर्णय सहकारी सह खाजगी दूध संघांनाही लागू करण्यात आला आहे. प्रत्येक तीन महिन्यांनी दूध दराबाबत आढावा घेतला जाईल. दरम्यान दूध भेसळखोरांना मोक्का लावण्यासह कठोर कारवाई करणार असल्याचेही विखे-पाटील यांनी नमूद केले.
दरम्यान पशुखाद्याच्या दरातही पंचवीस टक्के कपात करण्याच्या संबंधित कंपन्यांना सूचना केल्याची माहिती विखे पाटील यांनी दिली. ते म्हणाले पशुखाद्याच्या गोंण्यावर घटकांचा उल्लेख करणे बंधनकारक करण्यात आले आहे.
'मविआ' त फक्त नेते राहिलेत
मविआमधील दोन पक्षांचे अस्तित्व संपुष्टात आले आहे. त्या दोन्ही पक्षात फक्त नेते उरलेत. काँग्रेसची अवस्था वेगळी नाही. त्यांचही आऊटगोइंग सुरू होणार असल्याचे मंत्री विखे पाटील यांनी नमूद केले. ते म्हणाले मविआ सरकार विश्वासघाताने तयार करण्यात आलं होतं.
त्रिशूल सरकार
राज्याची अधोगती होत होती म्हणून एकनाथ शिंदे आणि अजितदादा बाहेर पडले. मविआच्या रूपाने राज्यावर जे संकट आलं होतं ते दूर झालं आहे. त्यामुळे महायुती सरकारचा उल्लेख त्रिशूल म्हणून होत आहे असेही विखे पाटील यांनी नमूद केले.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.