Election commission : निवडणुकीची घोषणा, याद्यांचा घोळ कायम; पत्रकारांच्या प्रश्नांवर आयोगाची भंबेरी, VIDEO

राज्य निवडणुक आयोगानं पत्रकार परिषद घेऊन 246 नगपरिषदा आणि 42 नगरपंचायतींसाठी निवडणुकीची घोषणा केली...विरोधकांनी रान पेटवलेल्या दुबार मतदाराच्या मुद्यावर आयोगाकडे कोणतंही ठोस उत्तर नसल्याचं उघड झालंय. दुबार मतदार रोखण्यासाठीचा आयोगानं दोन स्टारचा फॉर्म्युला वापरणार असल्याचं सांगितलंय. नेमका हा 2 स्टारचा फॉर्म्युला काय आहे ते पाहूयात....

दुबार मतदारावर डबल स्टारचा तोडगा

संबंधित मतदार कुठे मतदान करतो याची अधिकारी माहिती घेणार

मतदाराचे नाव, लिंग, फोटो, पत्ता सर्व बाबी तपासल्या जाणार

दोन ठिकाणी नाव असल्यास मतदाराच्या इच्छेनुसारच एकाच ठिकाणी मतदान करता येणार

मतदान केंद्रावर इतर कुठेही मतदानं न केल्याचं प्रतिज्ञापत्र घेतले जाणार

मात्र शौचालयात नोंदवलेला मतदार कुठला हा राज ठाकरेंचा प्रश्न पत्रकारांनी विचारल्यानंतर निवडणूक आयोगाची चांगली भंबेरी उडाली.

गेल्या काही दिवसांपासून विरोधक दुबार आणि बोगस मतदारांच्या मुद्द्यावरून आक्रमक झालेत...याद्या स्वच्छ होईपर्यंत निवडणूक जाहीर न करण्याची मागणी करण्यासाठी विरोधकांनी सत्याचा मोर्चाही काढला...इतकचं काय तर विरोधकांनी केंद्रीय निवडणुक आयुक्तांची थेट घेतली...मात्र तरीही आयोगानं निवडणूक जाहीर केल्यामुळे विरोधकांनी संताप व्यक्त केलाय.

दुबार मतदारांना रोखण्यासाठी निवडणूक आयोगाने समोर आणलेला डबल स्टारचा तोडगा विरोधकांनी धुडकावून लावलाय...दुबार मतदार असल्याचं आयोगाला मान्य असल्यामुळेच त्यांनी दोन स्टारचा तोडगा काढलाय. त्यामुळे मतदार याद्या स्वच्छ करूनच निवडणुका का घेतल्या नाहीत? या दोन स्टारच्या तोडग्यामुळे दुबार मतदारांना रोखता येणार का? असे अनेक प्रश्न यामुळे उपस्थित झाले आहेत.