Maharashtra Cabinet : मंत्रिमंडळात १५ महत्त्वाचे निर्णय, मुंबई-पुण्यासह ठाण्याला फायदाच फायदा, वाचा सविस्तर

Maharashtra Cabinet Decisions : मंत्रिमंडळाच्या बैठकीत 15 निर्णय घेण्यात आले. वडाळा ते गेटवे ऑफ इंडिया मेट्रो मार्गिकेस २३,४८७ कोटींची तरतूद हा मोठा निर्णय ठरला. पुणे-लोणावळा लोकल प्रकल्प, पुणे मेट्रोचे नवे स्थानक आणि विस्तार यामुळे पुणेकरांना फायदा होणार आहे.
Maharashtra Cabinet Meeting
Devendra Fadnavis chairs Maharashtra cabinet meeting: 15 key decisions for Mumbai, Pune, Thane and Nagpur.google
Published On
Summary
  • महाराष्ट्र मंत्रिमंडळाच्या बैठकीत १५ मोठे निर्णय झाले.

  • मुंबई, पुणे, ठाणे आणि नागपूरसाठी मेट्रो, लोकल आणि इन्फ्रास्ट्रक्चर प्रकल्पांना मंजुरी.

  • संजय गांधी निराधार आणि श्रावणबाळ योजनेंतील लाभार्थ्यांचे अर्थसहाय्य वाढवले.

  • नागपूरमध्ये आंतरराष्ट्रीय व्यापार केंद्र व उच्च न्यायालय संकुलास मान्यता.

Devendra Fadnavis Maharashtra Cabinet Decisions : देवेंद्र फडणवीस यांच्या नेतृत्वात आज मंत्रिमंडळाची बैठक पार पडली. या बैठकीमध्ये सामाजिक न्याय, ऊर्जा, कामगार, आदिवासी विकास आणि नगरविकास क्षेत्रातील महत्त्वपूर्ण निर्णय घेतले. संजय गांधी निराधार, श्रावणबाळ योजनेतील दिव्यांग लाभार्थ्यांचे मासिक अर्थसहाय्य १,५०० वरून २,५०० रुपये करण्यात आले. महानिर्मितीच्या औष्णिक केंद्रातील राखेच्या वापराबाबत धोरण निश्चित झाले. पुणे, ठाणे, नागपूर मेट्रो प्रकल्पांना कर्ज मंजूर झाले, तर मुंबईतील वडाळा-गेटवे ऑफ इंडिया मेट्रो मार्गिकेस २३,४८७ कोटींची तरतूद मिळाली. पुणे-लोणावळा लोकलसाठी नवीन मार्गिका, नागपूरात आंतरराष्ट्रीय व्यापार केंद्र आणि उच्च न्यायालयाच्या नवीन संकुलासाठी ३,७५० कोटींना मान्यता देण्यात आली देण्यात आली आहे. मंत्रिमंडळाच्या बैठकीत कोण कोणते निर्णय घेतले त्याबाबत पाहूयात...

  • संजय गांधी निराधार, श्रावणबाळ योजनेतील दिव्यांगांच्या अर्थसहाय्यात १ हजार रुपयांची वाढ करण्यात आली आहे. लाभार्थ्यांना दरमहा दीड हजार ऐवजी आता अडीच हजार रुपये मिळणार आहे. (सामाजिक न्याय विभाग)

  • महानिर्मिती कंपनीच्या औष्णिक विद्युत निर्मिती केंद्रातील राखेच्या वापराबाबतचे धोरण निश्चित (ऊर्जा विभाग)

  • महाराष्ट्र दुकाने व आस्थापना (नोकरीचे व सेवाशर्तीचे विनियमन) अधिनियम, २०१७ मध्ये सुधारणा (कामगार विभाग)

  • कारखाने अधिनियम, १९४८ मध्ये सुधारणा (कामगार विभाग)

  • अनुसूचित जमातीतील नववी, दहावीच्या विद्यार्थ्यांना सुवर्ण महोत्सवी आदिवासी पूर्व माध्यमिक शिष्यवृत्ती योजनेऐवजी केंद्र सरकारची पूर्व माध्यमिक शिष्यवृत्ती योजना लागू करणार (आदिवासी विकास विभाग)

  • मुंबईतील आणि डेपो- वडाळा ते गेटवे ऑफ इंडिया या मेट्रो मार्गिका- ११ प्रकल्पास मान्यता. २३ हजार ४८७ कोटी ५१ लाख रुपयांची तरतूद (नगर विकास विभाग)

  • ठाणे वर्तुळाकार मेट्रो, पुण्यातील मेट्रो मार्गिका – २, मार्गिका – ४ तसेच नागपूर मेट्रोच्या टप्पा दोनच्या कर्जांस मान्यता देण्यात आली आहे. ठाणे अंतर्गत वर्तुळाकार मेट्रो प्रकल्प, पिंपरी-चिंचवड ते निगडी मेट्रो रेल्वे कॉरीडॉर, स्वारगेट ते कात्रज मेट्रो रेल्वे कॉरीडॉर, वनाज ते रामवाडी (मार्गिका क्र. २) च्या विस्तारीत मार्गिका वनाज ते चांदणी चौक व रामवाडी ते वाघोली (विठ्ठलवाडी), पुणे मेट्रो मार्ग-४ (खडकवासला स्वारगेट हडपसर-खराडी) आणि नळ स्टॉप वारजे-माणिकबाग (उपमार्गिका) व नागपूर मेट्रो रेल्वे टप्पा-२ या मेट्रो रेल्वे प्रकल्पांसाठी घेण्यात येणाऱ्या बाह्यसहाय्यित कर्जाचे आकस्मिक दायित्व स्वीकारण्यास, प्रकल्पांचे करारनामा, कर्ज करारनामा आणि दुय्यम वित्तीय करारनामे करण्यास मान्यता. (नगर विकास विभाग)

Maharashtra Cabinet Meeting
OBC reservation issue : राज्य सरकारचा मोठा निर्णय, ओबीसी समाजासाठीही उप समितीची स्थापना, आजच GR निघणार
  • पुणे मेट्रोवरील बालाजीनगर, बिबवेवाडी या दोन नवीन स्थानकांना मंजूरी देण्यात आली आहे. स्वारगेट ते कात्रज मेट्रो मार्गावर बालाजीनगर व बिबवेवाडी ही दोन नवीन मेट्रो स्थानके उभारण्यास आणि कात्रज मेट्रो स्थानकाचे दक्षिणेकडे सुमारे ४२१ मीटरने स्थलांतरण करण्यास व यासाठीच्या ६८३ कोटी ११ लाख रुपयांच्या तरतुदीस मान्यता. (नगर विकास विभाग)

  • मुंबई नागरी परिवहन प्रकल्प टप्पा-३ (MUTP-3) व ३अ (MUTP-3A) प्रकल्पातील लोकल (उपनगरीय रेल्वे) गाड्यांच्या खरेदीसाठी कर्जास मान्यता देण्यात आली आहे. बाह्य सहाय्यित कर्ज घेण्याऐवजी पूर्णतः रेल्वे व राज्य शासनाच्या निधीतून सहाय्य देण्यास, तसेच त्यामध्ये राज्य शासनाच्या वतीने ५०% आर्थिक सहभाग देण्यास मान्यता. (नगर विकास विभाग)

  • मुंबई नागरी परिवहन प्रकल्प (MUTP- 3B) या प्रकल्पातील राज्य शासनाच्या ५० टक्के आर्थिक सहभागास मान्यता देण्यात आली आहे. (नगर विकास विभाग)

Maharashtra Cabinet Meeting
Kasara Accident : मुंबईहून निघाले अन् कसाऱ्यात काळाने घाला घातला, भीषण अपघात तिघांचा जागीच मृत्यू
  • पुणे ते लोणावळा लोकल (उपनगरीय रेल्वे) च्या तिसऱ्या व चौथ्या मार्गिका प्रकल्प खर्चाची तरतूद करणार. मुंबई नागरी परिवहन प्रकल्पाच्या धर्तीवर आर्थिक भार उचलणार (नगर विकास विभाग)

  • ठाणे ते नवी मुंबई आंतरराष्ट्रीय विमानतळ दरम्यान उन्नत मार्गाला मान्यता मिळाली. हा प्रकल्प सिडको महामंडळाच्या माध्यमातून सार्वजनिक-खासगी-भागीदारी (PPP) अंतर्गत BOT (Build Operate - Transfer) तत्त्वावर राबविण्यात येणार आहे. (नगर विकास विभाग)

  • "नवीन नागपूर" अंतर्गत आंतरराष्ट्रीय व्यापार व वित्तीय केंद्र विकसित करण्यात येणार आहे. नागपूर महानगर प्रदेश विकास प्राधिकरण मौजा गोधणी (रिठी) व मौजा लाडगांव (रिठी), तालुका हिंगणा जि. नागपूर येथील एकूण अंदाजे क्षेत्र ६९२.०६ हे. आर. जागा संपादित करून सार्वजनिक हितार्थ "नविन नागपूर" अंतर्गत "International Business and Finance Centre (IBFC)" विकसीत करण्याचा महत्वाकांक्षी प्रकल्प राबविण्यास तत्वत मान्यता. (नगर विकास विभाग)

Maharashtra Cabinet Meeting
Manoj Jarange : लेकराला पुन्हा उपोषण करायला लावू नका, जरांगेंच्या मातोश्रींना अश्रू अनावर, सरकारला कळकळीची विनंती
  • नागपूर शहराभोवती बाहय वळण रस्ता (Outer Ring Road) व त्यालगत चार वाहतूक बेटांची निर्मिती करण्यात येणार आहे. नागपूर महानगर प्रदेश विकास प्राधिकरणामार्फत नागपूर शहराभोवती बाहय वळण रस्ता (Outer Ring Road) व त्यालगत ४ वाहतूक बेट (Truck & Bus Terminal) विकसित करण्यात येणार (नगर विकास विभाग)

  • मुंबईतील वांद्रे (पूर्व) येथील उच्च न्यायालयाच्या नवीन संकुल बांधकामाच्या खर्चास मान्यता देण्यात आली आहे. प्रकल्पासाठी ३ हजार ७५० कोटी रुपयांच्या तरतुदीस मान्यता देण्यात आली आहे. (विधि व न्याय विभाग)

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com