Beed Politics : मंत्रिपद जाताच पडद्यामागून मुंडे सक्रीय? धसांनंतर वाढल्या क्षीरसागरांच्या अडचणी?

भरत मोहळकर, साम टीव्ही, प्रतिनिधी

भाजप आमदार सुरेश धसांचा कार्यकर्ता खोक्या भोसलेच्या अमानुष मारहाणीचा व्हिडीओ समोर आल्यानंतर आता पवारांच्या राष्ट्रवादीचे आमदार संदीप क्षीरसागर यांचा पीए आणि कार्यकर्त्याकडून शोरुमच्या मॅनेजरला मारहाण झाल्याचा आरोप करण्यात आलाय. या घटनेचं सीसीटीव्ही फुटेज आता समोर आलंय. बीडमधील गुंडागर्दीचा मुद्दा पुन्हा ऐरणीवर आलाय..त्यामुळे संदीप क्षीरसागर यांनी मात्र हे आरोप फेटाळून लावलेत.

बीडमध्ये गुंडागर्दी, आता क्षीरसागरही अडचणीत?

धनंजय मुंडेंचे निकटवर्तीय वाल्मिक कराडच्या टोळीकडून सरपंच संतोष देशमुखांची निर्घृण हत्या करण्यात आली. या प्रकरणाचे राज्यभर पडसाद उमटले. अधिवेशनाच्या दुसऱ्या दिवशी धनंजय मुंडेंचा राजीनामा घेण्यात आला. या राजीनाम्याच्या दुसऱ्या दिवसापासूनच विरोधकांचे व्हिडीओ बाहेर येण्यास सुरुवात झाल्याने मुंडे पडद्यामागून सक्रीय झालेयत का अशी चर्चा रंगलीय.

पडद्यामागून मुंडे सक्रीय, धस-क्षीरसागर अडचणीत?

- सुरेश धसांचा निकटवर्तीय खोक्या भोसलेच्या मारहाणीचा व्हिडीओ व्हायरल

- खोक्या भोसले पैसे उधळत असल्याचा व्हिडीओ व्हायरल

- खोक्याकडून वन्यजीवांच्या कत्तलीचे आरोप

- क्षीरसागर यांच्या कार्यकर्त्याचा मारहाणीचा व्हिडीओ व्हायरल

- धनंजय मुंडेंचं समर्थन करणारे लक्ष्मण हाके आणि टी पी मुंडे धसांविरोधात मैदानात

बीड जिल्ह्याला गुंडागर्दी काही नवी नाही. आधी धस आणि त्यानंतर संदीप क्षीरसागरांशी संबंधीत गुंडागर्दी समोर आलीय. त्यामुळे पुढचा नंबर नेमका कुणाचा लागणार आणि या गुंडागर्दीवर प्रशासन नेमकी काय कारवाई करणार? याकडे लक्ष लागलंय.