Exit Poll Maharashtra : वाशिम मतदारसंघातून सिद्धार्थ देवळे होणार आमदार? पाहा एक्झिट पोल

सध्या महाराष्ट्रात काल २० नोव्हेंबर रोजी सर्वत्र विधानसभा निवडणूका पार पडल्या आहेत. २३ तारखेला मतमोजणाी होणार आहे. यासंदर्भात सकाळ समूहाचा एक्झिट पोल समोर आला आहे. वाशिम मतदारसंघातून शिवसेना ठाकरे गटाचं पारडं जड दिसतंय. त्यामुळे याठिकाणी सिद्धार्थ देवळे यांना जास्तीत जास्त मत मिळण्याची शक्यता आहे. सिद्धार्थ देवळे याठिकाणी निवडून येऊ शकतात.

वाशिम मतदारसंघामध्ये शिवसेना ठाकरे गटाकडून सिद्धार्थ देवळे निवडणूक लढत आहेत. तर भाजपाकडून श्याम खोडे हे निवडणुकीच्या रिंगणात होते. या मतदारसंघात सकाळच्या एक्झिट पोलनुसार, सिद्धार्थ देवळे हे संभाव्य आमदार होऊ शकतात. तर श्याम खोडे यांचा पराभव होण्याची शक्यता आहे.

शिवसेना ठाकरे गटाला वाशीमचं गड राखण्यात यश आलं असं म्हणता येईल. श्याम खोडे त्यांना भाजपाकडून त्यांना आव्हान देत होते. पण वाशिममध्ये सिद्धार्थ देवळे या शिवसेना ठाकरे गटाच्या उमेदवाराने आपल्याकडे सर्व वाशिम मतदारसंघ जो आहे तो खेचून घेतला आहे. संभाव्य आमदार म्हणून सिद्धार्थ देवळे यांना वाशिमकरांनी पसंती दिली. ठाकरे गटाने आघाड्यावर मात केलेली आहे.

वाशिम विधानसभा मतदारसंघाती निवडणूक काल पार पडली. या निवडणुकीमध्ये महाविकास आघाडी विरुद्ध महायुती असा सामना झाला. या निवडणुकीमध्ये महाविकास आघाडीने डॉ. सिद्धार्थ देवळे यांना उमेदवारी दिली होती आणि महायुतीने भारतीय जनता पक्षाचे श्याम खोडे यांना उमेदवारी दिली होती. अतिशय चुरशीची लढत झालेल्या या निवडणुकीमध्ये या मतदारसंघातील जे मागासवर्गीय मतदार आहेत किंवा जे शेतकरी आहेत यांनी डॉ. सिद्धार्थ देवळे यांना साथ दिल्याची चित्र सध्या तरी समोर येत आहेत. मात्र आता डॉ. सिद्धार्थ देवळे यांचं पारडं जड असल्याचे दिसत आहे.