Dattatray Bharane: 24 तासाच्या आतच दत्तात्रय भरणे वादात; वादग्रस्त कृषिमंत्र्यांची परंपरा नेमकी काय?

कृषिमंत्री पद मिळल्याच्या 24 तासाच्या आतच दत्तात्रय भरणे वादात सापडलेत. मात्र भरणेंनी नेमकं काय वक्तव्य केलंय? आणि महाराष्ट्राच्या वादग्रस्त कृषिमंत्र्यांची परंपरा नेमकी काय आहे? पाहूयात.. हे वक्तव्य आहे महाराष्ट्राचे नवे कृषिमंत्री दत्तात्रय भरणे यांचं. या वाक्याचा नेमका अर्थ काय? हा व्हिडीओ पुन्हा एकदा नीट पाहा.

कृषीमंत्रिपदी नियुक्ती होत नाही, तोच नवे कृषिमंत्री वादात सापडलेत. दत्तात्रय भरणेंच्या याच वक्तव्यावरुन संजय राऊतांनी महायुतीला धारेवर धरलंय. तर कृषीमंत्री अवघ्या 24 तासात अडचणीत आल्याने अजित पवारांना सारवासारव करण्यासाठी धावाधाव करावी लागलीय. गेल्या काही वर्षांपासून महाराष्ट्राच्या कृषीमंत्री पदाला वादाची परंपरा लाभलीय. एकापाठोपाठ एक कृषीमंत्री कुठल्या ना कुठल्या वादात सापडल्याचं चित्र आहे. मात्र ही वादाची मालिका नेमकी कशी आहे? पाहूयात.

2019-2022

दादा भुसे - कृषी खात्यातील नियमबाह्य बदल्यांचा आरोप

2022-2023

अब्दुल सत्तार - सुप्रिया सुळेंविषयी वादग्रस्त वक्तव्य

2023-2024

धनंजय मुंडे - कृषी खात्यात 169 कोटींच्या घोटाळ्याचा आरोप

2024-2025

माणिकराव कोकाटे - वादग्रस्त वक्तव्य आणि रमी खेळल्याप्रकरणी वादात

नवे कृषी मंत्री दत्तात्रय भरणे शेतकऱ्यांच्या दुःखावर फुंकर घालणार का? की कृषी मंत्र्यांच्या वादाची परंपरा खंडीत करण्याऐवजी कायम ठेवणार? याकडे राज्याचं लक्ष लागलंय.