महापौरपदासाठी सत्ताधारी महायुती आणि विरोधकांमध्ये राजकारण तापलेलं असताना 29 महापालिकांच्या महापौरपदाच्या आरक्षणाची सोडत जाहीर झालीय. त्यातच 50 टक्के महिला आरक्षणाचा नियम लागू केल्यानं राज्यातील 15 महापालिकांवर महिला राज असणार आहे. महापालिकेत प्रवर्गानुसार कोणत्या महापौर कोणाकडे जाणार पाहूयात...
खुल्या प्रवर्गात छ.संभाजीनगर, वसई विरार,परभणी, सोलापूर, सांगली, पिंपरी-चिंचवड, अमरावती, भिवंडी या महापालिकांसाठी आरक्षण जाहीर झालयं... त्यामुळे या महापालिकांवर खुल्या प्रवर्गातील पुरुष नगरसेवक महापौरपदावर असणार आहेत... तर मुंबई, पुणे, धुळे, नाशिक, नवी मुंबई, नागपूर, मीरा-भाईंदर, नांदेड, मालेगाव या महापालिका खुल्या प्रवर्गात महिलांसाठी राखीव असल्यानं या 9 महापालिकांवर महिला राज असणार आहे...
दरम्यान पनवेल, इचलकरंजी, उल्हासनगर, कोल्हापूर या 4 महापालिकांवर ओबीसी प्रवर्गातील महापौर असेल... तर ओबीसी प्रवर्गात चंद्रपूर, जळगाव, अकोला,अहिल्यानगर महापालिकेवर ओबीसी महिला महापौर असणार आहेत...त्याव्यतिरिक्त कल्याण-डोंबिवलीत ST प्रवर्गाचा महापौर असेल.. तर जालना, लातूर, ठाणे महापालिकेत SC प्रवर्गातील महापौर सत्तेत बसेल...
महापालिकांपैकी खुल्या प्रवर्गातून 17, ओबीसी प्रवर्गातून 8 आणि SC प्रवर्गातून 3 आणि ST प्रवर्गातून 1 महापौर बसणार आहे. आता आरक्षण सोडतीमुळे राज्यातील अनेक मोठ्या शहरांमधील सत्तेची समीकरणे पूर्णपणे बदलणार आहेत. विशेषतः महिला आरक्षणामुळे अनेक दिग्गज नेत्यांना आपल्या प्रभागातील समीकरणं जुळवून आणताना नवं आव्हानं उभं राहणार आहे. त्यामुळे महापौरपदाच्या निवडणुकीतही राजकारण शिगेला जाणार आहे. त्यामुळेच मुंबईसह ठाणे, पुणे, नाशिक, नागपूर या मोठ्या शहरांमध्ये कोण महापौर होणार याकडे संपूर्ण राज्याचं लक्ष लागलंय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.