शेतकऱ्याच्या खात्यावर सहा हजार 200 अनुदान जमा.
साईनाथ खांजोळे या शेतकऱ्याने फोडली तहसीलदारांची गाडी.
वासरी येथील साईनाथ खानसोळे या शेतकऱ्याने फोडली गाडी.
संजय सूर्यवंशी, साम प्रतिनिधी
जय जवान जय किसानची घोषणा देत एका शेतकऱ्याना चक्क तहसीलदारांची गाडी फोडली. सरकारकडून मिळालेल्या तुटपुंज्या अनुदानावरून शेतकरी संतप्त होत आहेत. सरकारकडून देण्यात येणारे अनुदान कमी असून त्याबाबत शेतकरी वर्गात नाराजी आहे. नांदेड जिल्ह्यातील एका शेतकऱ्यांना तहसीलदारांच्या वाहनावर आपला राग काढला.
दरम्यान कार फोडणाऱ्या शेतकऱ्याला दिवाळीपूर्वी अनुदान मिळाले असल्याची माहिती तहसीलदार आनंद देऊळगावकर यांनी दिलीय. तहसीलदारांची कार फावड्याने फोडणाऱ्या शेतकऱ्यांला पोलिसांनी ताब्यात घेतले आहे.
साईनाथ खानसोळे असे शेतकऱ्याचे नाव आहे. खानसोळे यांनी जय जवान जय किसानच्या घोषणा देत तहसील कार्यालयातील तहसीलदाराची कार फावड्यानं फोडून काढली. नांदेड जिल्ह्यातील शेतकऱ्यांना सरकारकडून अनुदान दिलं जात आहे. मात्र अनेक शेतकऱ्यांना अनुदान मिळालं नाहीये. तर ज्या शेतकऱ्यांना मिळालं ते तुटपुंजे असल्याने शेतकरी वर्गात नाराजी आहे.
साईनथ खानसोळे हे वासरी गावातील शेतकरी आहेत. त्यांना दिवाळी आधी खानसोळे यांच्या बँक खात्यावर ६ हजार २०० रुपये अनुदान जमा झाले. मात्र हे अनुदान कमी असल्याचा आरोप, शेतकऱ्याने केलाय.
साईनाथ खानसोळे हे आज सकाळी हातात फावडा घेऊन तहसील कार्यालयात आले. त्यानंतर त्यांनी जय जवान जय किसान च्या घोषणा देणं सुरू केलं. मग पळत पळत जात उभ्या असलेल्या तहसीलदारांच्या गाडीवर फावड्याने हल्ला केला. गाडीची समोरील काच शेतकऱ्याने फोडून काढली. शेतकरी आत्महत्या करत आहे. अधिकारी मलिदा खात आहेत. शेतकरी आत्महत्या करतोय लाज वाटली पाहिजे, असं म्हणत त्यांनी शिवीगाळ केली. सरकारी अधिकाऱ्याची कार फोडल्या प्रकरणी पोलिसांनी शेतकरी साईनाथ यांना ताब्यात घेतलंय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.