Mahad News: गोहत्येच्या कारणाने महाडमध्ये वाद; गर्दी पांगवण्यासाठी पोलिसांचा लाठीचार्ज

सचिन कदम 
महाड : महाड तालुक्यातील राजेवाडी येथे गोहत्येची घटना गोरक्षकांनी आज सकाळी उघड केली. यामुळे (Mahad) परिसरात तणावाचे वातावरण निर्माण झाले आहे. वाद अधिक वाढत असल्याने गर्दी पांगविण्यासाठी (Police) पोलिसांनी लाठीचार्ज केला. (Maharashtra News)

महाड तालुक्यात गो हत्या झाल्याचा प्रकार समोर आला आहे. यात सावित्री नदी किनारी असलेल्या एका वाड्यामध्ये तीन बैल कापण्यात आले आहेत. या घटनेनंतर महाड शहर आणि राजेवाडी गावात तणावाचे वातावरण निर्माण झाले आहे. तणाव अधिक (Mahad Police) वाढत असल्याने महाड शहर, तालुका पोलिस ठाणे, एमआयडीसी पोलिस ठाणे, पोलादपुर आणि माणगावमधील पोलिस अधिकारी आणि कर्मचारी महाडमध्ये तैनात करण्यात आले आहेत. या प्रकरणात आत्तापर्यंत दहा ते बारा जणांना पोलिसांनी ताब्यात घेतले आहे.  

पोलिसांकडून आवाहन 

दरम्यान शहर पोलिस ठाणे आणि गवळ आळी परीसरात अनियंत्रीत गर्दी जमा झाली होती. ही गर्दी नियंत्रणात आणण्यासाठी पोलिसांना लाठीचार्ज करण्याची वेळ आली. या प्रकरणी अफवांवर विश्वास ठेऊ नका, अफवा फसरवणारे मेसज फॉवर्ड करू नका; असे आवाहन पोलिसां मार्फत करण्यात आले आहे.