राजेश भोस्तेकर
रायगड : कोकण रेल्वेने दासगाव येथे बांधलेला पूल आणि केलेला मातीचा भराव यामुळे 22 जुलैला आलेल्या महापुराचा महाडला फटका बसला होता. आज तीन महिन्यानंतर कोकण रेल्वेच्या अधिकाऱ्यांना पाहणी करण्याची आठवण झाली. कोकण रेल्वेचे महाव्यवस्थापक आणि संचालक संजय गुप्ता यांनी आज महाड मधील कोकण रेल्वेच्या संदर्भात झालेल्या तक्रारीच्या अनुषंगाने दादली ते बाणकोट परिसरात विविध ठिकाणी भेटी देऊन पाहणी केली.
हे देखील पहा :
पाहणीनंतर परिस्थितीबाबत आपल्या उच्चपदस्थ अधिकाऱ्यांबरोबर चर्चा केल्याची माहिती प्राप्त झाली आहे.22 जुलै झालेल्या अतिवृष्टीने आणि सावित्री नदीला आलेल्या महाप्रलयकारी पुराने महाड तालुक्याला उध्वस्त केले. महाडला बसलेला महापुराचा फटका हा कोकण रेल्वेचा दासगाव जवळील पूल व शेजारचा भराव कारणीभूत असल्याचा आरोप 24 जुलै रोजी महाड पूर निवारण समिती बैठकीत उपस्थित महाडकरांनी केला होता.
या बैठकीमध्ये खासदार सुनील तटकरे व आमदार भरत गोगावले यांनी कोकण रेल्वेचे महाव्यवस्थापक संजय गुप्ता यांच्याबरोबर त्यावेळी चर्चा करून प्रत्यक्ष भेट देण्याची सूचना केली होती. यानुसार कोकण रेल्वेच्या उच्चपदस्थ तांत्रिक विभागाच्या अधिकाऱ्यासोबत आज महाव्यवस्थापक संजय गुप्ता यांनी कोकण रेल्वेच्या महाड परिसरात भेट देऊन प्रत्यक्ष पाहणी केली. गुप्ता याच्या या पाहणीनंतर काय उपाययोजना केल्या जाणार याबाबत अहवाल पाठविला जाण्याची शक्यता आहे.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
