Budget Session: फसवणूक नको, आरक्षण द्या; अधिवेशनाच्या पहिल्याच दिवशी विरोधक आक्रमक, सरकारविरोधात घोषणाबाजी

Maharashtra Budget Session 2024 Live Update

राज्यात मराठा आरक्षणाचा मुद्दा तापला असतानाच आजपासून (२६ फेब्रुवारी) राज्य विधीमंडळाच्या अर्थसंकल्पीय अधिवेशनाला सुरुवात झाली आहे. या अधिवेशनात शिंदे सरकारला कोंडीत पकडण्यासाठी विरोधकांचे प्रयत्न सुरू आहे. अशातच अधिवेशनाच्या पहिल्याच दिवशी विरोधकांनी विधानभवनाच्या पायऱ्यांवर लक्षवेधी आंदोलन केलं. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

फसवणूक नको, आरक्षण द्या, असं म्हणत महाविकास आघाडीच्या नेत्यांनी राज्य सरकारविरोधात जोरदार घोषणाबाजी केली. मराठा आणि ओबीसी समाजाची फसवणूक करणाऱ्या सरकारचा निषेध, अशी घोषणाबाजी करीत विरोधकांनी विधानभवनाचा परिसरात दणाणून सोडला.  (Latest Marathi News)

"मनोज जरांगे पाटलांना छळतंय कोण, महायुतीचा त्रिकोण", असे फलक देखील महाविकास आघाडीच्या नेत्यांनी हातात घेतले होते. यावेळी काँग्रेस नेते बाळासाहेब थोरात, राष्ट्रवादी शरचंद्र पवार गटाचे नेते आणि माजी गृहमंत्री अनिल देशमुख धीरज देशमुख यांच्यासह ठाकरे गटाचे नेते उपस्थित होते.

दरम्यान, विधिमंडळाचं अर्थसंकल्पीय अधिवेशन एकूण ५ दिवस चालणार असून अधिवेशनाच्या दुसऱ्याच दिवशी २७ फेब्रुवारीला अंतरिम अर्थसंकल्प मांडण्यात येणार आहे. या अधिवेशनाच्या निमित्ताने विरोधकांसाठी राज्य सरकारला घेरण्याची संधी असेल. ओबीसी तसेच मराठा आरक्षणाच्या मुद्द्यावरून सरकारला कोंडीत पकडण्याचा विरोधकांचा प्रयत्न असेल.

अधिवेशनाचे कामकाज कसे असेल?

• अधिवेशनाच्या पहिल्या दिवशी विधानसभेत राज्यपालांचे अभिभाषण होईल.

• त्यानंतर राज्यपालांच्या अभिभाषणाबद्दस आभार अध्यादेश सभागृहाच्या पटलावर ठेवण्यात येईल.

• पुढे 2023-24 साठी पूरवणी मागन्या सादर केल्या जातील आणि शासकीय कामकाजाला सुरूवात होईल.

• या अधिवेशनात भाजप आमदार राजेंद्र पाटणी, माजी मुख्यमंत्री मनोहर जोशी यांना आज श्रद्धांजली देखील वाहण्यात येणार आहे.

• त्यानंतर 27 फेब्रुवारीला पुरवणी यांच्या मागण्यांवर चर्चा करून मंजूर करण्यात येणार आहे.

• पुढे 2024-25 चा अंतरिम अर्थसंकल्प दुपारी 2 वाजता सादर केला जाणार आहे.