Leopard Enters In Amravati : बिबट्या आला रे..., अमरावतीकरांची उडाली घाबरगुंडी; वनविभाग घटनास्थळी दाखल

- अमर घटारे

Amravati News : अमरावती शहरात मध्यवस्तीत बिबट्या शिरल्याने नागरिकांची एकच पळापळ झाली. या घटनेची माहिती शहरात वा-या सारखी पसरली. त्यामुळे अमरावती शहरातील शोभानगरच्या माणिपूर ले आऊट परिसरात नागरिकांची एकच गर्दी उसळली (Maharashtra News)

अमरावती शहरातील शोभानगरच्या माणिपूर ले आऊट मध्ये बिबट्या शिरला. हा बिबट्या आल्याने नागरिकांचा दंगा सुरु झाला. यामुळे बिबट्या सैरभैर पळत सुटला. परिणामी नागरिकांत कमालीची भिती पसरली.

दरम्यान गेल्या तीन तासांपासून याच भागात पोलीसांसह वनविभागाचे कर्मचारी बिबट्याला पकडण्यासाठी प्रयत्न करीत आहेत. घटनास्थळी वनविभागाच्या अधिका-यांनी जाळ्या लावल्या आहेत. या बिबट्याला पाहण्यासाठी विलासनगर भागात नागरिकांची मोठ्या संख्येने गर्दी झाल्याने मदत कार्यात अडचणी येताहेत.

दरम्यान या परिसरातील नागरिकांनी बिबट्याला पकडण्यासाठी वनविभागाकडून कोणत्याही प्रकारची हालचाल हाेत नसल्याचा आराेप केला आहे. बिबट्याला तात्काळ पकडा अशी मागणी नागरिक करु लागले आहेत.

Edited By : Siddharth Latkar