नरभक्षक बिबट्याला जेरबंद करण्यासाठी वनविभागाची शोध मोहीम
बिबट्यांची दहशत ही आता पुण्यासह इतर जिल्ह्यांमध्येही पसरलीय.
बिबट्याच्या दहशतीपासून कधी मुक्ती मिळणार?
जुन्नरनंतर बिबट्यानं आता अहिल्यानगरमध्ये दहशत पसरवलीय. शिरुरमधल्या चिमुकल्याचा बळी घेणाऱ्या नरभक्षक बिबट्याला ठार करण्यात आलं. मात्र आता अहिल्यानगरमध्ये बिबट्याच्या हल्ल्यात 4 वर्षांच्या चिमुरडीचा मृत्यू झालाय.संतप्त जमावानं मृतदेहासह नगर-मनमाड महामार्गावर रास्ता रोको केला. ग्रामस्थांनी वनविभागाच्या अधिकाऱ्यांना फैलावर घेत,काय उपाययोजना केली? असा सवाल उपस्थित केलाय.
दुसरीकडे नरभक्षक बिबट्याला जेरबंद करण्यासाठी वनविभागाने शोध मोहीम हाती घेतली आहे. वनविभागाचा फौजफाटा टाकळी शिवारात दाखल झालाय. शेतामध्ये पिंजरे लावून बिबट्याला पकडण्याचे प्रयत्न सुरू आहेत. चिमुकलीच्या मृत्यूनं जागं आलेल्या वनविभागानं आता जनजागृतीसाठी व्हिडिओ जारी केलाय.
जुन्नर वनपरिक्षेत्रातील बिबट्यांच्या स्थलांतरासाठी सव्वा अकरा कोटींच्या निधीला राज्य सरकारनं मंजुरी दिलीय. मात्र बिबट्यांची दहशत ही आता पुण्यासह इतर जिल्ह्यांमध्येही पसरलीय. त्यामुळे वनविभाग आणि प्रशासकीय यंत्रणा यावर तातडीनं उपाययोजना कधी करणार? नागरिकांना बिबट्याच्या दहशतीपासून कधी मुक्ती मिळणार? हा महत्वाचा प्रश्न आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.