Ajit Pawar : अजित पवारांचं धनंजय मुंडेंना बघून 'इग्नोराय नम:'? Video समोर

मुंबई : राज्यातील विधिमंडळाचं अर्थसंकल्पीय अधिवेशन उद्यापासून सुरु होणार आहे. अर्थसंकल्पीय अधिवेशनाच्या पार्श्वभूमीवर आज महायुती सरकारकडून चहापानाचा कार्यक्रम आयोजित करण्यात आला. सरकारने विरोधी पक्षांनादेखील चहापानाच्या कार्यक्रमाचं निमंत्रण दिलं होतं. पण विरोधी पक्षांनी या कार्यक्रमावर बहिष्कार टाकला. दरम्यान, सह्याद्री अतिथीगृह येथे राज्य मंत्रिमंडळाची बैठक पार पडली. तसेच राज्य सरकारचा चहापानाचादेखील कार्यक्रम पार पडला. या कार्यक्रमाला महायुतीच्या तीनही घटक पक्षाच्या मंत्र्यांनी आणि आमदारांनी हजेरी लावली. विशेष म्हणजे गेल्या काही दिवसांपासून विरोधकांच्या निशाण्यावर असलेले मंत्री धनंजय मुंडे यांनी देखील चहापानाच्या कार्यक्रमाला हजेरी लावली. पण या चहापानाच्या कार्यक्रमात उपमुख्यमंत्री अजित पवार यांनी मंत्री धनंजय मुंडे यांच्यासोबत अबोला धरल्याचं बघायला मिळालं.