Latur News: नव्या सरपंचाच्या पहिल्याच ग्रामसभेत झाला राडा; दोन गटात तुंबळ हाणामारी

लातूर : लातूर (Latur) जिल्ह्यातील उदगीर तालुक्यातील नागलगाव ग्रामपंचायतीची ग्रामसभा (Gram Sabha) आज प्रजासत्ताक दिनी २६ जानेवारी आयोजन करण्यात आले होती. नवनिर्वाचित सरपंच यांच्‍या अध्‍यक्षतेखाली आयोजित पहिल्‍याच सभेत राडा झाला. यावेळी दोन आपापसात भिडले होते. (Breaking Marathi News)

मुख्यमंत्री एकनाथ शिंदे शिवसेना गटाचे नवीन सरपंच सुभाष मुन्ना राठोड यांच्या अध्यक्षतेखाली ग्रामसभेला सकाळी अकराला सुरुवात झाली. ग्रामविकास अधिकारी जयवंत कोणाळे यांनी मागील ग्रामसभेचे वाचन करून ग्रामसभेला सुरुवात करण्यात आली. दरम्यान ग्रामसभा सुरळीत चालू असताना मागील सरपंचाच्या काळात झालेल्या विकास कामाबद्दल अचानक काही तरुणांनी ग्रामविकास अधिकारी जयवंत कोनाळे यांच्या हातातील ग्रामसभेची प्रोसोडिंग हिसकावून धक्काबुक्की केली. या धक्काबुक्कीचे पर्यावसन तुंबळ हाणामारीत झाले.

सरपंचाच्‍या फिर्यादिवरून गुन्‍हा नोंदची प्रक्रीया

घटनेची माहिती उदगीर ग्रामीण पोलीस स्टेशनला देण्यात आली. घटनास्थळी नागलगाव बिटचे पोलीस अंमलदार रंगवाळ यांनी पोलीस पथकासह भेट दिली. ग्रामसभेत झालेल्या घटनेची माहिती ग्रामविकास अधिकारी जयवंत कोणाळे यांच्याकडून जाणून घेतली असून उदगीर ग्रामीण पोलीस स्टेशन येथे सरपंच सुभाष मुन्ना राठोड यांच्या फिर्यादिवरून गुन्हा नोंद करण्याची प्रक्रिया सुरू आहे.