![Farmer Rasta Roko](http://media.assettype.com/saamtv%2F2024-06%2F2dcf28da-bfcd-4194-a48a-f35ae70d7490%2FSaam_TV___2024_06_10T144717_541.jpg?rect=0%2C0%2C1200%2C675&w=480&auto=format%2Ccompress&fit=max)
संदीप भोसले
लातूर : दुष्काळी परिस्थिती असताना जिल्ह्यातील शेतकऱ्यांना दुष्काळी अनुदान जाहीर करण्यात आले होते. शिवाय पिकांच्या नुकसानीनंतर पीक विम्याची रक्कम देखील शेतकऱ्यांना मिळालेली नाही. यामुळे शेतकरी संतप्त झाले असून या विरोधात शेतकरी संघटनेकडून रास्ता रोको आंदोलन करण्यात आले.
लातूर (Latur) जिल्ह्यातील रेणापूर तालुका हा दुष्काळग्रस्त तालुका म्हणून जाहीर केला आहे,. मात्र तालुक्यातील अनेक शेतकऱ्यांना अद्यापही दुष्काळी अनुदान आणि पिक विम्याची रक्कम मिळाली नाही. यामुळे शेतकरी संघटनेच्या कार्यकर्त्यांनी आणि शेतकऱ्यांनी (farmer) महामार्ग आडवत सरकार विरुद्ध घोषणाबाजी केली आहे. तर यावेळी संतप्त शेतकऱ्यांनी गेल्या एक तासापासून रास्ता रोको आंदोलन देखील केले आहे.
वाहनांच्या लांबच लांब रांगा
लातूरच्या रेणापूर फाटा येथे आज लातूर- बीड महामार्गावर शेतकरी संघटनेच्या कार्यकर्त्यांनी १ तास रास्ता रोको आंदोलन केले आहे. शेतकऱ्यांनी महामार्ग अडविल्यामुळे महामार्गावर दोन्ही बाजुंनी वाहनांच्या लांबच लांब रांगा लागल्या होत्या. दरम्यान आंदोलन मागे घेतल्यानंतर वाहतूक सुरळीत झाली होती.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.