Malkapur News : मलकापूरमध्ये २० दिवसांनी होतो पाणी पुरवठा; राष्ट्रवादी काँग्रेसचा मुख्याधिकाऱ्यांना घेराव
बुलढाणा : मलकापूर शहरात सध्या २० दिवसांनंतर पाणी पुरवठा केला जात आहे. तसेच शहरात स्वच्छतेचे तीनतेरा झाले आहेत. आता पावसाळा सुरु झाला असून जास्त पाऊस झाल्यास घाणीमुळे शहरात आरोग्याचा प्रश्न निर्माण होण्याची शक्यता निर्माण होऊ शकते. या सर्व गोष्टींमुळे राष्ट्रवादीतर्फे नगरपालिकेच्या मुख्याधिकाऱ्यांना घेराव घालत निवेदन देण्यात आले.
मलकापूर (Malkapur) शहरात मागील काळात वादळी वाऱ्यासह मुसळधार पावसाने हजेरी लावली होती. त्यामुळे मलकापूर शहरातील जनजीवन विस्कळीत झाले होते. दरम्यान शहराला पाणी पुरवठा २० दिवसानंतर केला जात आहे. पाण्यासाठी नागरिकांना वनवन भटकावे लागत आहे. तसेच शहरातील स्वच्छतेचे तीन तेरा वाजलेले आहेत. ठिकठिकाणी कचऱ्याचे ढीग पडलेले आहेत. नाल्या तुडुंब भरल्या आहेत, साफसफाई बंद आहे.
यासारख्या मूलभूत सुविधा पुरवण्यात मलकापूर नगरपालिका अपयशी ठरली आहे. या नगरपालिकेच्या गलथान कारभारा विरोधात (NCP) राष्ट्रवादी काँग्रेसच्यावतीने मुख्याधिकारी यांना घेराव घालण्यात आला. तसेच याबाबत निवेदन देण्यात आले. जर येत्या तीन दिवसात सर्व सुविधा नागरिकांना पुरविल्या गेल्या नाहीत; तर रस्त्यावर उतरून आंदोलन करू असा ईशारा राष्ट्रवादी काँग्रेसच्या वतीने निवेदनाद्वारे देण्यात आला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.