![Jalna Rain](http://media.assettype.com/saamtv%2F2024-06%2F97d4a27d-6b7c-44f2-b035-7e8bdb12e1c6%2FSaam_TV___2024_06_10T124156_230.jpg?rect=0%2C0%2C1200%2C675&w=480&auto=format%2Ccompress&fit=max)
अक्षय शिंदे
जालना : राज्यात मान्सूनचे सुखद आगमन झाले आहे. मात्र पहिल्या पावसाची सुरवात वादळी वारा व विजांच्या कडकडाटासह होत असते. यामुळे पहिल्या पावसातच मोठ्या प्रमाणात नुकसान होत असते. दरम्यान जालना जिल्ह्यातील जाफराबाद तालुक्यातील वडाळा गावात घरावरील पत्रे उडून गेल्याने मोठे नुकसान झाले आहे.
जालना (Jalna) जिल्ह्यातील जाफराबाद तालुक्यात वादळी वाऱ्यासह पावसाने जोरदार हजेरी लावली. शुक्रवारी रात्री अचानक आलेल्या वादळाने मोठे नुकसान झाले असून या वादळात अनेकांचे घरांवरील पत्रे उडून गेली आहेत. जाफराबाद तालुक्यातील वडाळा गावाला वादळाचा सर्वाधिक फटका बसला. या गावातील अनेक कुटुंबांच्या घरांवरील पत्रे उडून गेल्याने त्यांचे संसार आता उघड्यावर आले आहेत. यात सुदैवाने कुठलीही जीवितहानी झाली नाही.
वादळी वाऱ्यामुळे घरावरील पत्रे उडाल्याने मोठे नुकसान झाले आहे. मात्र (Rain) पावसाळ्याच्या तोंडावर घरांची पडझड झाल्याने आमचे संसार उघड्यावर आले असुन शासनाने त्वरित आर्थिक मदत करावी; अशी मागणी नुकसानग्रस्त कुटुंबांयांनी केली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.