Latur News: नाव बदलून प्रेमाच्‍या जाळ्यात ओढले; बारा वर्षांनंतर बलात्काराची तक्रार

लातूर : उदगीर शहरातील अशोकनगर येथे वास्तव्यास असलेल्या एका तरुणीस आधी प्रेमाच्या जाळ्यात ओढले. नाव बबलू इस्माईल सय्यद असताना स्वतःचे नाव राज सुभाष कांबळे असल्याची बतावनी करुन सदर पिडीतेसोबत गेली १२ वर्षे शारिरिक संबंध प्रस्थापित केले. एक मुलगी झाल्यानंतर लग्न (Marriage) करण्यास नकार देत पळून गेल्याची घटना समोर आली आहे. या प्रकरणी बारा वर्षानंतर उदगीर शहर पोलिसांत फरार नराधम तरुणाविरोधात (Crime News) गुन्हा दाखल करण्यात आला आहे. (Tajya Batmya)

उदगीर शहरातील एका परिसरातील २५ वर्षीय तरुणीसोबत २०११ मध्ये बबलू इस्माईल सय्यद याच्याशी ओळख झाली. सुरूवातीला याने स्वतःचे नाव राज सुभाष कांबळे असल्याची बतावणी करुन तिला प्रेमाच्या जाळ्यात ओढले. नंतर लग्नाचे आमिश दाखवून तिला पुणे येथे घेवून गेला. पिडीतेसोबत वारंवार शारिरिक संबंध प्रस्थापीत केले. त्यानंतर या तरुणीस एक मुलगी झाली.

लग्‍नास दिला नकार

सदर तरुणीने त्याच्यामागे लग्नाचा तगादा लावल्यानंतर ११ ऑक्टोबर २०२२ रोजी पिडीत तरुणीस व तिच्या मुलीस एकटेच सोडून घरातून निघून गेला. आपली फसवणुक झाल्याचे लक्षात येताच सदर तरुणीने उदगीर गाठले आणि त्याच्याविरोधात उदगीर शहर पोलिसांत तक्रार दाखल केली. या तक्रारिच्या आधारे बबलू इस्माईल सय्यद याच्या विरोधात गुन्हा दाखल करण्यात आला.