Nashik Accident News: धावत्या रेल्वेत पाच महिन्यांच्या बाळाचा मृत्यू; प्रवासात नेमकं काय घडलं?

गोविंद पासवान आणि सुमन पासवान अशी या दाम्पत्याची नावे आहेत.
Nashik Accident News
Nashik Accident NewsSaam TV

अजय सोनवणे

Nashik News: नाशिकमधून एक हृदयद्रावक बातमी समोर आली आहे. एका ५ महिन्याच्या चिमुकल्याचा धावत्या रेल्वेमध्येच मृत्यू झाला आहे. बाळाच्या निधनामुळे संपूर्ण प्रवाशांना अश्रू अनावर झालेत. (Latest Nashik News)

पोटाची खळगी भरण्यासाठी रेल्वेने एक दाम्पत्य आपल्या बाळाला घेऊन लखनऊ ते पुणे प्रवास करत होते. गोविंद पासवान आणि सुमन पासवान अशी या दाम्पत्याची नावे आहेत. त्यांच्या पाच महिन्याच्या गोंडस बाळाचा प्रवासात मृत्यू झाल्याची हृदयद्रावक घटना घडली आहे.

Nashik Accident News
Crime News : फॅमिली डॉक्टर बनला 'देवमाणूस'; राज्य हादरवणारा, मुख्यमंत्री ते राष्ट्रपतींपर्यत पोहचलेला खून खटला

या बाळाला ताप आलेला होता आणि त्याची हालचाल बंद झाली होती. गाडी मनमाड रेल्वे स्थानकात आल्यावर आपले मूल गेल्याचे समजताच आईने हंबरडा फोडला. मृत मुलाला छातीला लावून आई व बाळाचे वडील धायमोकळून रडत होती. हृदय पिळवून टाकणाऱ्या या प्रसंगांने सर्वांच्या डोळ्यांच्या कडा ओल्या झाल्या.ही घटना समाजात मनमाडच्या मिलींद सामाजिक संस्थेच्या कार्यकर्त्यानी पासवान कुटूंबियांना धीर देत या बालकाचा मनमाड येथे दफनविधी करून माणुसकीचे दर्शन घडविले.

पती पत्नीसह तीन महिन्यांच्या बाळाचा मृत्यू

काही दिवसांपूर्वी विरार रेल्वे स्थानकातूनही अशीच एक घटना समोर आली होती. विरार रेल्वे स्थानकात एका कुटुंबाचा अपघात झाला होता. या अपघातात कुटुंबातील तीन व्यक्तींचा जागीच मृत्यू झाला. विरारमध्ये रेल्वे रुळ ओलांडताना ही दुर्दैवी घटना घडली. यामध्ये एक पुरुष, महिला व तीन महिन्यांचा बाळाचा जागीच मृत्यू झाला होता.

Nashik Accident News
Pune Theft News: माझी आई घरी नाही, मला जेवण द्या; असं म्हणत तीन चोरटे घरात घुसले अन्...

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com