Ladki Bahin Yojana: या जिल्ह्यातील ३०,९१८ लाडक्या बहिणींचा लाभ बंद; ₹१५०० पुन्हा मिळवण्यासाठी हे काम कराच

लाडकी बहीण योजनेत अनेक महिलांचा लाभ बंद झाला आहे. केवायसी करुनही महिलांना डिसेंबरचा हप्ता मिळाला नाहीये. यामुळे महिलांच्या मनात अनेक संभ्रम निर्माण झाला आहे. दरम्यान, लाडकी बहीण योजनेत केवायसीमुळे लाभ न मिळालेल्या महिलांची प्रत्यक्ष पडताळणी केली जाणार आहे. या योजनेत ज्या महिलांचा लाभ बंद झाला आहे. त्यांना अंगणवाडी सेविकांशी संपर्क साधायला सांगितले आहे.

वर्धा जिल्ह्यातील ३०,९१८ महिलांचा लाभ (Ladki Bahin Y)

वर्धा जिल्ह्यातील ई केवायसीमुळे जवळपास ३०,९१८ महिलांचा लाभ बंद झाला आहे. त्यामुळे 31 जानेवारीपर्यंत ईकेवायसी मुळे लाभ बंद झालेल्या लाडक्या बहिणी अंगणवाडी सेविकांशी संपर्क साधावा, असं सांगण्यात आले आहे.

शासन स्तरावरून यादी प्राप्त झाली आहे. यामध्ये ३०,९१८ लाभार्थ्यांमध्ये २२९२१ ग्रामीण भागातील तर ७९९७ महिला शहरी भागातील आहेत.लाभ बंद झालेल्या महिलांनी अंगणवाडी सेविकाशी संपर्क साधण्याचे आवाहन केले आहे.

अंगणवाडी सेविकांकडे अर्ज, आधारकार्ड झेरॉक्स आणी स्वयंमघोषणापत्र देण्याचे आवाहन महिलांना करण्यात आले आहे. 27 जानेवारी ते 31 जानेवारी पर्यंत लाभ बंद झालेल्या महिलांनी अंगणवाडी सेविकांशी संपर्क साधण्याचे आवाहन केले आहे.

ई केवायसीत अनेकांनी चुकीची माहिती भरल्याने व योग्य पद्धतीने न भरल्याने लाडक्या बहिणीचे अनुदान बंद झाले आहे.बंद झालेल्या लाभार्थ्यांच्या मागणी नंतर शासनाचा फेर ई केवायसीचा निर्णय घेण्यात आला आहे. यामुळे आता अंगणवाडी सेविकांकडे महत्त्वाची कागदपत्र देण्यास सांगितले आहे. अंगणवाडी सेविकांना प्रत्यक्ष पडताळणी करण्यास सांगितले आहे. या पडताळणीत ज्या महिला निकषात बसतील त्यांचा लाभ सुरु केला जाणार आहे.