2400000 लाडक्या बहि‍णींचे लाभ बंद; E-KYC करताना एका प्रश्नाने घोळ केला, तुम्ही ही चूक केली नाही ना?

Ladki Bahin Yojana eKYC : महायुती सरकारसाठी गेमचेंजर ठरलेली लाडकी बहीण योजनेचे लाभ लाखो महिलांना मिळेना झाले आहेत. महिन्याला बँक खात्यात येणारे १५०० रुपये बंद झाल्याने महिलांमध्ये नाराजी पसरली आहे. ई-केवायसी करताना केलेल्या चुकीमुळे महिलांना लाभांपासून वंचित राहावे लागत आहेत. अर्ज भरताना केलेली चूक सुधारण्यासाठी सरकाराकडून प्रयत्न सुरू करण्यात आले आहेत.

मीडिया रिपोर्टनुसार, महिला आणि बालविकास विभागाच्या वरिष्ठ अधिकाऱ्यांनी दिलेल्या माहितीनुसार, ई-केवायसी फॉर्म भरताना एका प्रश्नामुळे अनेकांचा गोंधळ उडाल्याचे समोर आलं आहे. फॉर्म भरताना सरकारी नोकरीविषयी एक प्रश्न विचारण्यात आला होता. त्यामुळे अनेकांचं लाभ बंद झाले आहेत. 'तुमच्या घरातील कोणी सरकारी नोकरीत नाही ना?' असा प्रश्न फॉर्ममध्ये विचारण्यात आला होता.

फॉर्ममध्ये विचारण्यात आलेल्या या प्रश्नाने अनेक महिलांना गोंधळात टाकल्याचे बोललं जात आहे. या प्रश्नाला उत्तर देताना अनेकांनी 'नाही' ऐवजी 'हो' या पर्यायावर टिक केल्याचे समोर येत आहे. या प्रश्नाच्या उत्तरामुळे अनेक लाभार्थी महिलांच्या कुटुंबात सरकारी कर्मचारी आहेत, असा अर्थ सिस्टिमने घेतला. यामुळेच तब्बल २४ लाख महिलांचे लाभ बंद करण्यात आल्याची चर्चा आहे.

महिला आणि बालविकास विभागाच्या डेटानुसार, २४ लाख महिलांनी कुटुंबात सरकारी नोकरदार असल्याचे नमूद केलेय. परंतु महाराष्ट्रात सरकारी आणि निमसरकारी कर्मचाऱ्यांची संख्या ही ८ ते ९ लाखांच्या आसपास आहे.त्यामुळे कर्मचाऱ्यांच्या संख्येपेक्षा या लाभार्थ्यांची संख्या अधिक असल्याची दिसून आलीये.

राज्यभरात योजनेचा हप्ता जमा न झाल्याच्या तक्रारी वाढू लागल्या आहेत. त्यामुळे सरकारने प्रत्यक्ष पडताळणी करण्याचा निर्णय घेतल आहे. राज्यात बहुतांश लाभार्थी महिलांच्या ई-केवायसीमध्ये त्रुटी आढळल्या आहेत. या अंगणवाडी सेविका प्रत्यक्ष भेट देऊन लाभार्थी महिलांची कागदपत्रांची तपासणी करणार आहेत.