Ladki Bahin Yojana: लाडक्या बहिणींचे टेन्शन वाढवणारी बातमी! नोव्हेंबरचा हप्ता मिळणार नाही? कारण आलं समोर

लाडकी बहीण योजनेत महिलांना ऑक्टोबरचा हप्ता देण्यात आला आहे. ऑक्टोबरचा हप्ता जमा होण्यास उशिर झाला आहे. नोव्हेंबर महिन्यात महिलांच्या खात्यात पैसे जमा झाले आहेत. दरम्यान, आता लाडक्या बहि‍णींना नोव्हेंबरचा हप्ता कधी मिळणार असा प्रश्न पडला आहे. दरम्यान, महिलांना नोव्हेंबरचा हप्ता न मिळण्याची शक्यता आहे.

नोव्हेंबरचा हप्ता न मिळण्याचे कारण (Ladki Bahin Yojana November Installment will not get due to these reason)

राज्यात सध्या स्थानिक स्वराज्य संस्थांच्या निवडणुकांचे वारे वाहत आहेत. राज्यातील नगर परिषद आणि नगर पंचायतींच्या निवडणुकांची तारीख जाहीर झाली आहे. यामुळे राज्यातील २८८ निमशहरांमध्ये आचारसंहिता लागू झाली आहे. आचारसंहितेच्या काळात लाडकी बहीण योजनेला ब्रेक लागण्याची शक्यता आहे.

राज्यात आचारसंहिता लागू झाली आहे. आचारसंहितेच्या काळात कोणताही निधी दिला जात नाही. त्याआधीच ऑक्टोबरचे पैसे जमा झाले आहेत. त्यामुळेच कदाचित महिलांना नोव्हेंबरचा हप्ता मिळणार नाहीये. दरम्यान, याबाबत सरकारकडून कोणतेही स्पष्टीकरण दिलेलं नाही.

विधानसभा निवडणूकीच्या काळातही थांबवला होता लाभ

मागील वर्षी विधानसभा निवडणूकीच्या तोंडावर लाडकी बहीण योजना सुरु केली होती. मात्र, ऑक्टोबर महिन्यात विधानसभा निवडणूका जाहीर झाल्या. त्यामुळे ऑक्टोबर आणि नोव्हेंबरचा हप्ता आधीच एकत्र देण्यात आला होता. त्यानंतर आचारसंहिता लागू झाली. त्यामुळेच या वेळेसदेखील लाडकी बहीण योजनेला ब्रेक लागू शकतो, असं सांगितलं जात आहे.

ऑक्टोबरचा हप्ता जमा (Ladki Bahin Yojana October Installment Recieved)

लाडकीच्या खात्यात ऑक्टोबरचा हप्ता जमा होण्यास सुरुवात झाली आहे. दोन दिवसांपूर्वी आदिती तटकरेंनी याबाबत घोषणा केली होती. दरम्यान, आता सर्व लाभार्थी महिलांच्या खात्यात पैसे जमा झाले आहेत. महिलांनी त्यांच्या खात्यात पैसे जमा झाले की नाही ऑनलाइन किंवा ऑफलाइन पद्धतीने चेक करा. तुम्ही बँकिंग अॅपवर जाऊन पैसे आले की नाही हे चेक करु शकतात.