Konkan Railway: कोकण रेल्वेचा मोठा निर्णय, ११ एप्रिलपासून आणखी एक एसी स्पेशल एक्सप्रेस धावणार

उन्हाळी हंगामात मुंबई, पुणे आणि त्याच्या आसपासच्या भागांतील चाकरमानी मोठ्या प्रमाणावर कोकण आणि गोवा कडे प्रवास करतात. यामुळे या मार्गांवर दरवर्षी प्रवाशांची मोठी गर्दी होत असते. त्यांची गैरसोय होऊ नये म्हणून कोकण रेल्वेमार्गावर वातानुकूलित साप्ताहिक एक्स्प्रेस गाडी चालविण्यात येणार आहे.

उन्हाळी सुट्ट्यांमध्ये प्रवाशांची वाढती गर्दी लक्षात घेता, कोकण रेल्वेच्या वतीने लोकमान्य टिळक टर्मिनस (एलटीटी), मुंबई ते करमाळी (गोवा) दरम्यान वातानुकूलित साप्ताहिक एक्स्प्रेस गाडी चालविण्यात येणार आहे. ही गाडी ११ एप्रिल ते २३ मे २०२५ या कालावधीत प्रत्येक शुक्रवारी धावेल. ही गाडी संपूर्ण एलएचबी डबे (LHB coaches) असलेली असेल. पूर्णतः वातानुकूलित (AC) डबे असतील. एकूण २२ एलएचबी वातानुकूलित डबे असणार आहेत.

एलटीटी - करमाळी (गोवा) ही गाडी प्रत्येक शुक्रवारी (११ एप्रिल ते २३ मे) पर्यंत असणार आहे. लोकमान्य टिळक टर्मिनस (LTT) हून रात्री १०:१५ वा. सुटेल. दुसऱ्या दिवस (शनिवार) करमाळी येथे दुपारी १२:०० वा. पोहचेल.

करमाळी - एलटीटी (मुंबई) प्रत्येक शनिवार (१२ एप्रिल ते २४ मे) दरण्यान करमाळी वरून दुपारी २:३० वा. सुटेल. तर दुसऱ्या दिवस (रविवार) लोकमान्य टिळक टर्मिनस ला पहाटे ४:०५ वा. पोहचेल.

या गाडीचे थांबे ठाणे, पनवेल, पेण, रोहा, माणगाव, वीर, खेड, चिपळूण, संगमेश्वर, रत्नागिरी, आडवली, विलवडे, राजापूर, वैभववाडी, नांदगाव रोड, कणकवली, सिंधुदुर्ग, कुडाळ, सावंतवाडी, थिवी असे असणार आहेत.

Edited By - Purva Palande