Kolhapur To Mumbai Flight: मुंबई ते कोल्हापूर प्रवास आता फक्त एक तासाचा; दिवसातून दोनवेळा विमानाचे उड्डाण, जाणून घ्या वेळापत्रक

रणजीत माजगाव, साम टीव्ही

कोल्हापूरकरांसाठी आनंदाची बातमी आहे. कोल्हापूर ते मुंबईचा प्रवास तुम्ही अवघ्या एका तासात पूर्ण करू शकणार आहे. हो, अगदी बरोबर, कारण २ मार्चपासून कोल्हापूर–मुंबई मार्गावर विमानसेवा सुरू होणार आहे, आणि विमानाचे उड्डाण सकाळसोबतच सायंकाळीही होणार आहे. प्रवाशांच्या वाढत्या मागणीमुळे ही अतिरिक्त सेवा सुरू होत आहे. सुरुवातीला आठवड्यातील दोन दिवस ही सेवा उपलब्ध असणार आहे.

धार्मिक आणि ऐतिहासिक महत्त्व असलेल्या कोल्हापूर शहर वेगाने विकासीत होत आहे. या शहराची आणि इतर ठिकाणांशी असलेली कनेक्टिव्हिटी देखील मोठ्या प्रमाणात सुधारणार आहे. त्यामुळे विमानाच्या फेऱ्या वाढवण्याची मागणी केली जात होती. व्यावसायिक,विद्यार्थी आणि आपत्कालीन प्रवास करणाऱ्या प्रवाशांची वाढती मागणी लक्षात घेता सायंकाळच्या सत्रातील विमानसेवा सुरू करण्याचा निर्णय घेण्यात आला आहे.

सध्या कोल्हापूर ते मुंबई या मार्गावर केवळ सकाळच्या सत्रात विमानसेवा सुरू आहे. २ मार्चपासून दर मंगळवारी आणि गुरुवारी सायंकाळी साडेचार वाजता स्टार एअरवेजचे विमान मुंबईहून कोल्हापूरकडे उड्डाण करेल. हे विमान सायंकाळी ५ वाजून ३५ मिनिटांनी हे विमान कोल्हापुरात दाखल होईल. त्यानंतर सायंकाळी ६ वाजून ५ मिनिटांनी हे विमान कोल्हापूरहून पुन्हा मुंबईकडे उड्डाण होईल आणि सायंकाळी ७ वाजून १० मिनिटांनी मुंबईत पोहोचेल.

देशभरात ixigo ची ‘एअरपोर्ट कॅब’ सेवा सुरू

ixigo ने देशभरातील प्रमुख विमानतळांवर ये-जा करणाऱ्या प्रवाशांसाठी ‘एअरपोर्ट कॅब’ ही नवी सेवा सुरू केली आहे. वेळेवर पिक-अप आणि शेवटच्या क्षणी कॅन्सलेशन टाळण्यावर भर देत ही सेवा विमानतळ प्रवास अधिक सोपा आणि सुलभ करण्याच्या उद्देशाने सुरू करण्यात आली आहे.