Ganesh Festival 2023 : कार्यकर्त्यांनाे ! लेझर शोला बंदी, सार्वजनिक गणेशाेत्सव मंडळांना कोल्हापुर पाेलिसांचा कारवाईचा इशारा

- रणजीत माजगावकर

Ganesh Festival 2023 : कोल्हापुरात गणेश आगमन मिरवणुकीत घातक लाईट इफेक्ट्सला बंदी घालण्यात आली आहे. याबाबतचे निर्देश पाेलिसांनी सर्व सावर्जनिक गणेशाेत्सव मंडळांना दिले आहेत. नियमांचे उल्लंघन करणा-या गणेशाेत्सव मंडळांवर कडक कारवाई केली जाईल असा इशारा देण्यात आला आहे. (Maharashtra News)

कोल्हापुरात गणेश आगमन आणि विसर्जन मिरवणुकीत गतवर्षी लाईट इफेक्ट्सचा वापर करीत मंडळांनी नागरिकांनी आकर्षित करण्याचा प्रयत्न केला. त्यावेळी राजारामपुरीतील आगमन मिरवणुकीत लावण्यात आलेल्या घातक विद्युत रोषणाईमुळे अनेकांच्या डोळ्यांना इजा झाली हाेती.

त्याचप्रमाणे मोबाईलच्या कॅमेराच्या लेन्स देखील खराब झाल्या हाेत्या. या पार्श्वभूमीवर पोलिस प्रशासनाने गणेश मंडळांना लाईट इफेक्टसचा वापर करुन नये असा थेट इशारा दिला आहे. नागरिकांच्या आराेग्यास घातक ठरेल अशा गाेष्टी करुन नयेत असे मंडळांना पाेलिसांनी स्पष्ट सांगितले आहे. नियमांची पायमल्ली करणा-यांवर कारवाईचा बडगा उगारला जाणार आहे.

गणेशाेत्सवासाठी महापालिका सज्ज

गणेशोत्सवाच्या पार्श्वभूमीवर महानगरपालिका कोल्हापूर शहरात ठिकठिकाणी सीसीटीव्ही कॅमेरे लावून वॉच टॉवर उभे केले जाणार आहेत. पुढील दोन दिवसात कोल्हापूर शहरातील मुख्य रस्त्यांवरील अतिक्रमण हटवण्यासंदर्भात आयुक्तांनी प्रशासनाला सूचना केल्या आहेत. गणेश आगमन आणि विसर्जन मिरवणुकीच्या पार्श्वभूमीवर कोल्हापूर शहरातील मुख्य रस्त्यांवरील खड्डे बुजवावेत अशा सूचना करण्यात आल्या आहेत.

Edited By : Siddharth Latkar