Maratha Reservation: 'खासदार हरवला आहे...' धैर्यशील मानेंचे पोस्टर्स झळकावत मराठा बांधवांचे आंदोलन

रणजित माजगावकर, प्रतिनिधी

Maratha Reservation Protest Kolhapur:

आरक्षणाच्या मागणीसाठी राज्यभर मराठा बांधव आक्रमक झाले आहेत. मनोज जरांगे पाटील यांच्या आवाहनानंतर प्रत्येक गावागावात मराठा समाजाकडून आंदोलने होत आहेत. मराठा बांधवांच्या आक्रमक भूमिकेची झळ राजकीय नेत्यांनाही पडत असल्याचे चित्र आहे. गावागावात राजकीय नेत्यांना प्रवेश बंदी केल्याचे फलक झळकत असतानाच कोल्हापूरमध्ये मराठा बांधवांकडून धैर्यशील माने हरवल्याचे पोस्टर्स झळकावले आहेत.

याबाबत अधिक माहिती अशी की, आरक्षणाच्या मागणीसाठी कोल्हापूरातील (Kolhapur) मराठा बांधव आक्रमक झाले आहेत. कोल्हापूरकरांच्या या आक्रमक भूमिकेचा फटका शिंदे गटाचे खासदार धैर्यशील माने यांना बसल्याचे पाहायला मिळाले. कोल्हापुरातील पेठ वडगावमधील मराठा बांधवांनी शिंदे गटाचे खासदार धैर्यशील माने हरवल्याचे पोस्टर्स झळकावून आंंदोलन केले.

गोरा, दाढी वाढलेला खासदार हरवला आहे मराठा समाजाची मते घेऊन समाजाची फसवणूक केल्याचा पोस्टरवर उल्लेख या पोस्टर्सवर करण्यात आला आहे. खासदारांनी लवकरात लवकर परत यावं, तुमच्यावर कोणीही रागवणार नाही, तुमची खूप आठवण येते असेही या पोस्टरवर लिहण्यात आले आहे. तसेच खासदार धैर्यशील माने (Dhairyashil Mane) हरवल्याची पेठ वडगाव पोलीस ठाण्यात तक्रारही देण्यात आली आहे.

लातुरमध्ये मराठा बांधवांचे जलसमाधी घेत आंदोलन.

लातूर जिल्ह्यातील शिरूर अनंतपाळ इथल्या शिवपूर येथे सकल मराठा समाजाच्या वतीने घरणी मध्यम प्रकल्पात जलसमाधी घेत आंदोलन सुरु आहे. राज्य सरकारने मनोज जरांगे यांच्या उपोषणाची तात्काळ दखल घेत, सरसगट मराठा समाजाला आरक्षण द्या.,या मागणीसाठी आज गावातील मराठा बांधवांनी हे जलसमाधी आंदोलन केले आहे. (Latest Marathi News)