VIDEO: पावसाळी पर्यटनासाठी जाणं जिवावर बेतलं, दूधगंगा नदीत २ तरुण बुडाले

कोल्हापूरमधून (Kolhapur) मोठी बातमी समोर आली आहे. कोल्हापूरच्या दूधगंगा नदीमध्ये (Dudhaganga River) बुडून दोन तरुणांचा मृत्यू झाला आहे. काळमवाडी येथील दूधगंगा नदीवर काही तरुण पावसाळी पर्यटनासाठी गेले होते. पण नदीमध्ये पोहण्यासाठी उतरले असता दोन तरुणांचा बुडून मृत्यू झाला. पाण्याचा अंदाज न आल्यामुळे या तरुणांचा नदीमध्ये बुडून मृत्यू झाला आहे. गणेश चंद्रकांत कदम आणि प्रतीक पाटील अशी मृत्यू झालेल्या तरुणांची नावं आहेत. पावसाळी पर्यटनासाठी १३ जण निपाणी होऊन कोल्हापूरच्या काळमवाडी परिसरात आले होते. या दोन्ही तरुणांचे मृतदेह शोधण्याचे प्रयत्न स्थानिक नागरिक आणि पोलिसांकडून सुरू आहेत.