रणजित माझगावकर
Chhatrapati Shivaji Maharaj Statue : कोल्हापुरातील पट्टणकोडोलीमध्ये शिवप्रेमींनी रात्रीमध्ये गनिमी कावा करत छत्रपती शिवरायांचा पुतळा बसवला. परवानगी न घेता पुतळा बसवल्यामुळे पोलिसांनी हटवण्याचा आदेश दिला, पण शिवप्रेमींनी नकार दिला अन् पट्टणकोडोलीमध्ये तणाव झाला. आज या परिसरात तणाव वाढला, त्यामुळे प्रशासनाकडून जमावबंदी लावण्यात आली आहे.
गुढीपाडव्याच्या निमित्ताने पट्टणकोडोलीमध्ये बसस्थानकाच्या बाजूला छत्रपती शिवाजी महाराज (Chhatrapati Shivaji Maharaj Statue) यांचा पुतळा शिवप्रेमींनी बसवला. पहाटे तीन वाजता शिवभक्तांनी शिवरायांचा चबुतऱ्यासह पूर्णाकृती पुतळा बसवला. कोणतीही परवानगी न घेताच हा पुतळा बसवल्यामुळे पोलिसांनी तो हटविण्याचा आदेश दिला. यावेळी परिसरात काहीकाळ तणावाचे वातावरण झाले. प्रांताधिकारी मोसमी चौगुले यांनी घटनास्थळी भेट दिली. परवानगी घेऊन पुतळा बसवा, असे आवाहन त्यांनी शिवप्रेमींना केले.
शिवभक्तांनी परवानगी न घेता पुतळा उभारल्यामुळे पोलिसांनी विरोध दर्शवला. त्यानंतर परिसरात तणाव वाढला. इचलकरंजीजवळील पट्टणकोडोली येथं जमावबंदी लागू करण्यात आली आहे. छत्रपती शिवाजी महाराज यांच्या पुतळ्यावरून शिवसैनिक आक्रमक झाले. बेकायदेशीर पुतळा बसवल्या प्रकरणी महसूल प्रशासन आणि पोलीस प्रशासन ॲक्शन मोडवर आले. संपूर्ण परवानगी घेऊनच छत्रपती शिवाजी महाराजांचा पुतळा बसवावा असे पोलीस प्रशासनाचे म्हणणं आहे. तर पुतळा बसवण्यावर शिवसैनिक ठाम आहेत. त्यामुळे पट्टणकोडोलीत तणाव, चित्रीकरणास केली बंदी
पट्टणकोडोली येथे छत्रपती शिवरायांचा पुतळा बसविण्याची मागणी मागील अनेक दिवसांपासून होतेय. गुढी पाडव्याला शिवप्रेमींनी परवानगी न घेता पुतळा बसविल्याने पोलिसांनी हस्तक्षेप घेतला. त्यावर पट्टणकोडोली ग्रामपंचायत प्रशासनाने पुतळा देखभालीची जबाबदारी घेतली. याला सरपंच अमोल बाणदार यांनी ज्या कागदपत्रांची गरज असेल त्यास आम्ही सहकार्य करू, असे सांगितले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.