त्यांच्यापेक्षा माझी जास्त ओळख, करुणा शर्मांनी धनंजय मुंडेंना पुन्हा डिवचलं

पंढरपूर : कोल्हापूर उत्तर विधानसभा पोट निवडणुकीत (Kolhapur North Assembly by-Election) करुणा शर्मा यांनी उडी घेतली आहे. येत्या मंगळवारी शक्ती प्रदर्शन करत उमेदवारी अर्ज दाखल करणार असल्याचे करुणा शर्मा (Karuna Sharma) यांनी आज पंढरपुरात जाहीर केले.

करुणा शर्मा यांनी आज पंढरपुरात (Pandharpur) विठ्ठल रुक्मिणी दर्शनासाठी आल्या होत्या. दर्शनानंतर त्यांनी पत्रकारांशी बोलताना आपण कोल्हापूरमधून निवडणूक जिंकू असा आशावाद व्यक्त केला. त्या म्हणाल्या, 'कोल्हापूर मधील जनता मला फारसी ओळखत नसली तरी माझे काम ओळखतात त्यामुळे मला निवडून येण्याची मला आशा आहे. तसंच बीडमधून 2024 ला मंत्री धनंजय मुंडेच्या (Dhananjay Munde) विरोधात निवडणूक लढवणार'असल्याचे ही त्यांनी सांगितले.

तसंच यावेळी मंत्री धनंजय मुंडे यांच्यावर टिका करताना त्या म्हणाल्या, धनंजय मुंडेपेक्षा राज्यात माझी जास्त ओळख असून मला राज्यातील १३ कोटी जनतेचे नेतृत्व करायचे असून त्याची सुरुवात कोल्हापूर मधून केली जाणार आहे, निवडणुकीत येथील जनता मला नक्की स्विकारेल असेही करुणा शर्मा म्हणाल्या.

Edited By - Jagdish Patil