Dog Bite: भटक्या कुत्र्यांचा लहान मुलांसह ५ जणांना चावा

अभिजित देशमुख
कल्याण : भटक्या कुत्र्यांचा त्रास वाढलेला आहे. रस्त्यावरून ये- जा करत असलेल्या चावा घेतल्याच्या (Kalyan) घटना गेल्या काही दिवसात घडल्या असून पुन्हा एकदा लहान मुलांसह ५ जणांना (Dog Bite) चावा घेतला आहे. (Live Marathi News)

कल्याणात भटक्या कुत्र्यांचा प्रश्न पुन्हा एकदा ऐरणीवर आला आहे. महापालिका (KDMC) मुख्यालयापासून हाकेच्या अंतरावर असलेल्या डॉ. बाबासाहेब आंबेडकर रोड परिसरात गेल्या काही महिन्यात लहान मुलांसह पाच जण या भटक्या कुत्र्यांचा हल्ल्यात जखमी झाल्याने स्थानिकांमध्ये दहशतीचे वातावरण पसरले आहे.

परिसरातील सनराईज गॅलेक्सी सोसायटीमध्ये परिसरात दोन मुलांना भटक्या कुत्र्यांनी चावा घेतल्याची घटना सिसिटीव्ही कॅमेरात कैद झाली आहे. दरम्यान या प्रकारानंतर सोसायटी पदाधिकाऱ्यांनी केडीएमसी आयुक्त डॉ. भाऊसाहेब दांगडे यांना पत्र लिहून तातडीने या भटक्या कुत्र्यांचा बंदोबस्त करण्याची मागणी केली आहे.