Kalyan News : पैसे देऊनही घर मिळेना; बिल्डरच्या कार्यलयात कुटुंबाचा रॉकेल टाकून पेटवून घेण्याचा प्रयत्न

अभिजित देशमुख 
कल्याण : स्वप्नातील घर घेण्याची प्रत्येकाची इच्छा असते. याकरिता पैशांची जमवाजमव केली जात असते. त्यानुसार (Kalyan) नवीन घर घेण्यासाठी बिल्डरला पैसे दिले. परंतु बिल्डरने घर कॅन्सल केले. यानंतर पैसे देखील देत नसल्याने परिवाराने बिल्डरच्या कार्यालयात येत आत्मदहनाचा प्रयत्न केला. (Live Marathi News)

कल्याण मधील हि धक्कादायक घटना समोर आली असून मंगेश शेवाळे असे फसवणूक झालेल्या इसमाचे नाव आहे. मंगेश शेवाळे यांना कल्याणमध्ये घर घ्यायचे असल्याने त्यांनी एका बिल्डरशी संपर्क साधला. यावेळी बिल्डरने (Crime News) घरांची साईड सुरु करणार असलेल्या साईडचा प्लॅन दाखविला. हा पसंत पडल्याने शेवाळे यांनी घरासाठीची काही रक्कम बिल्डरला देत घराचे बुकिंग केले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान घरासाठी पैसे दिले असता बिल्डरने फ्लॅट कॅन्सल केला. यामुळे शेवाळे यांनी बिल्डरकडे दिलेले पैशांसाठी तगादा लावला. मात्र बिल्डर पैसे परत करण्यास टाळाटाळ करत असल्याने इसमाने कुटुंबासह रॉकेल ओतून पेटवून घेण्याचा प्रयत्न केला. या प्रकरणी कोळशेवाडी पोलिसांचा तपास सुरू आहे.