Dombivili News : लटकलेल्या वायरच्या शॉक लागून पाच म्हशींचा जागीच मृत्यू

अभिजित देशमुख
कल्याण : डोंबिवली पूर्वेकडील भोपर गावात महावितरणच्या गलथान कारभारामुळे (Mahavitaran) आज सकाळी (Dombivili) पाच म्हशींचा मृत्यू झाल्याची घटना घडली. यामुळे शेतकऱ्याचे लाखो रुपयांचे नुकसान झाले आहे. (Breaking Marathi News)

भोपर गावातील गावदेवी मंदिराजवळ असलेल्या महावितरणच्या पोलवरील वायर तुटून लटकलेल्या अवस्थेत होती. या वायर बाबत अनेकदा ग्रामस्थांनी महावितरणकडे तक्रार केली होती. मात्र महावितरणने याकडे दुर्लक्ष केल्याचा आरोप ग्रामस्थांनी केला. यामुळेच आज सकाळी साडेदहा वाजण्याच्या (Electric Shock) सुमारास ग्रामस्थ शिवाजी पाटील यांच्या पाच म्हशी या रस्त्यावरून जात असताना या वायरीचा स्पर्श म्हशींना झाला त्यामुळे या पाचही म्हशींना शॉक लागून जागीच मृत्यू झाला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

या घटनेमुळे म्हैस पालक शेतकऱ्याचे मोठे आर्थिक नुकसान झाले आहे. शिवाय ग्रामस्थांमध्ये महावितरण विरोधात संतापाचं वातावरण पसरलं आहे .ग्रामस्थांनी याप्रकरणी मानपाडा पोलीस ठाण्यात तक्रार नोंदवली आहे.