Kalyan Accident : भरधाव कारची रिक्षाला धडक; कल्याणमधील घटना, रिक्षा चालक जखमी

अभिजित देशमुख 
कल्याण : एका भरधाव करणे रिक्षाला जोरदार धडक दिल्याची घटना कल्याण पश्चिम खडकपाडा परिसरात घडली. या अपघातात रिक्षाचालक गंभीर जखमी झाला असून त्याच्यावर रुग्णालयात उपचार सुरू आहेत. शिवाय रिक्षाचे देखील नुकसान झाले आहे. 

कल्याण (Kalyan) पश्चिमेकडील खडकपाडा बारावे गावात शैलेश ढोणे हे कुटुंबासह राहतात. दरम्यान २३ जूनला रात्रीनऊ वाजण्याच्या सुमारास शैलेश ढोणे हे रीक्षा घेऊन घराच्या दिशेने जात होते. यावेळी अचानक समोरून येणाऱ्या भरधाव कारने रिक्षाला जोरदार धडक दिली. या अपघातात (Accident) रिक्षा चालक शैलेश ढोणे हे गंभीर जखमी झाले असून त्यांच्यावर कल्याणमधील खाजगी रुग्णालयात उपचार सुरू आहेत. तर या अपघातात रिक्षाचं देखील मोठ्या प्रमाणात नुकसान झाले आहे. 

कार चालकाला घेतले ताब्यात 

याप्रकरणी खडकपाडा पोलिसांना (Khadakpada Police) तक्रार नोंदवण्यात आली. खडकपाडा पोलिसांनी गाडीचा नंबर प्लेटवरून गाडी मालकाचा शोध घेत गाडी चालक मुकेश तरे याला ताब्यात घेत कर देखील तप्त केली आहे. याप्रकरणी खडकपाडा पोलीस पुढील तपास करत आहेत.