Jarange Patil: जरांगे पाटील यांच्या सभेवेळी जखमी झालेल्या तरुणाची मृत्यूशी झुंज अपयशी; उपचारादरम्यान मृत्यू

अजय सोनवणे

Jarange Patil News:

एक दु:खद बातमी समोर आली आहे. मराठा आरक्षणासाठी लढत असलेल्या मनोज जरांगे पाटील यांच्या एका कार्यक्रमात जखमी झालेल्या व्यक्तीचा मृत्यू झालाय. या घटनेमुळे सर्वत्र हळहळ व्यक्त केली जात आहे.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

काही दिवसांपूर्वी मनोज जरांगे पाटील यांची येवल्यात सभा आयोजित करण्यात आली होती. या सभेदरम्यान मनोज जरांगे पाटील यांचे स्वागत करण्यासाठी जेसीबीमधून पुष्पवृष्टी करण्यात आली होती. यावेळी झालेल्या अपघातामध्ये गोकुळ रावसाहेब कदम हा तरुण जेसीबीमधून खाली पडला होता.

खाली पडल्याने त्याला बरीच दुखापत होऊन तो जखमी झाला होता. गेल्या २५ दिवसांपासून त्याच्यावर कोपरगाव येथे उपचार सुरू होते. दुर्दैवाने गोकुळचे निधन झाल्यामुळे समस्त मराठा समाजावर दुःखाचा डोंगर कोसळला असून आज गोकुळवर त्याच्या मूळ गावी अंत्यसंस्कार होणार आहेत.

मराठा आरक्षण उपसमितीची आज तीन वाजता मंत्रालयात बैठक आयोजित करण्यात आलीये. या बैठकीत कुणबी प्रमाणपत्राबाबत आढावा घेतला जाणार आहे. तसेच आरक्षणाबाबत पुढे काय पाऊल उचलावे यावर चर्चा होणार आहे. जरांगे पाटील यांनी उपोषण थांबवलं असलं तरी ते आपल्या मागण्यांवर ठाम आहेत.