Maharashtra Politics : शंभूराज देसाई वेळ तारीख सांगा : सुषमा अंधारेंचे प्रतिआव्हान (पाहा व्हिडिओ)

- सचिन जाधव / ओंकार कदम

Sushma Andhare News : शंभूराज देसाई (shambhuraj desai) तक्रार करत असतील तर मी त्याचं स्वागत करते. चांगली गोष्ट आहे. असं दबावतंत्र वापरून घाबरू शकत असतील तर मी सामना करायला तयार आहे अशी प्रतिक्रिया आज (शनिवार) शिवसेना उद्धव ठाकरे गटाच्या सुषमा अंधारे यांनी देसाईंच्या न्यायालयीन प्रक्रियेच्या भूमिकेवर दिली. त्या पुण्यात माध्यमांशी बाेलत हाेत्या. (Maharashtra News)

ललित पाटील प्रकरणात मंत्री शंभूराज देसाई यांची नार्कोटेस्ट करण्याची मागणी सुषमा अंधारे यांनी केली आहे. दरम्यान मंत्री देसाईंनी त्यांची बदनामी करणारे वक्तव्य अंधारेंनी केल्याचा दावा करीत मंत्री शंभूराज देसाई यांनी अंधारे यांच्या विरोधात पाटण न्यायालयामध्ये तक्रार दाखल केली आहे. आम्ही मोठ्या ताकदीने अंधारेंच्या विराेधात न्यायालयात बाजू मांडू अशी प्रतिक्रिया देसाई यांनी आज साता-यात दिली.

त्यावर अंधारेंनी ललित पाटील प्रकरणी ससून डीनची नार्को टेस्ट करा सगळं पुढे येईल. लाखोंचे ड्रग्ज विक्री होते, मग कायदा सुव्यवस्था आहे का? याबाबत गृहमंत्र्यांना मी प्रश्न विचारत आहे. शंभूराजे वेळ, तारीख सांगा मी लढायला तयार आहे असं आव्हानच सुषमा अंधारे यांनी देसाईंना दिलं आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar