Jalna News: आंदोलकांना पोलिसांनी समज देवून सोडले; दानवेंच्या कार्यक्रमात पोलिसांंसोबत झाली होती धक्काबुक्की

जालना : जालन्यात रावसाहेब दानवेंच्या कार्यक्रमात मराठा आंदोलक आणि पोलिसांमध्ये धक्काबुक्की (Jalna News) झाल्याचा प्रकार घडला होता. यानंतर पोलिसांनी (Police) आंदोलकांना ताब्यात घेऊन समज देत सोडून दिले. (Maharashtra News)

जालन्यातील बदनापूरमध्ये आज मेरी माटी मेरा देश या कार्यक्रमाचे आयोजन करण्यात आल होते. या कार्यक्रमाला केंद्रीय मंत्री रावसाहेब दानवे आणि मंत्री अतुल सावे यांनी उपस्थिती लावली. मात्र कार्यक्रम सुरु होताच मराठा आंदोलकांनी जोरदार घोषणाबाजी केली. या कार्यकर्त्यांना पोलिसांनी अडविण्याचा (Maratha Aarkshan) प्रयत्न केला. यावेळी कार्यकर्ते व पोलिसांमध्ये वाद झाला. 

कार्यक्रमादरम्यान मराठा आंदोलक आणि पोलिसांमध्ये वाद होऊन धक्काबुक्की झाल्याचा प्रकार घडला. दरम्यान या आंदोलकांना पोलिसांनी ताब्यात घेवून समज देवून सोडलं. दरम्यान आरक्षण मिळेपर्यंत एकही शासकीय कार्यक्रम होऊ देणार नसल्याचा इशारा आंदोलकांनी दिला.