जालना : जालना शहरातील इसमाची ५३ हजारात ऑनलाईन फसवणुक झाली होती. याबाबत सायबर पोलिसांनी (Cyber Police) दाखल तक्रारीवरून पोलिसांनी २४ तासात संबंधीत तक्रारदाराच्‍या (Jalna News) खात्यात ५३ हजार ६७८ रुपये इतकी रक्कम परत मिळवून दिली आहे. (Breaking Marathi News)
जालना शहरातील अमितकुमार गणेशराव लोखंडे यांना ऑनलाईन फसवणूक करणारा फेक फोनकॉल आला. त्यांनी आयसीआयसीआय (Bank) बँकेचे क्रेडिट कार्डची लिमिट वाढून देत सांगत मोबाईलवर आलेला ओटीपी मागितला. या ओटीपीच्या आधारे लोखंडे यांच्या क्रेडिट कार्डमधून ५३ हजार ६७८ रुपये आपल्‍या खात्यात वळविले. लोखंडे यांची ऑनलाइन फसवणूक (Online Fraud) केली होती. आपली फसवणूक झाल्याचे लक्षात येताच लोखंडे यांनी तात्काळ सायबर पोलिसांची संपर्क करून लेखी तक्रार दाखल केली होती.
सायबर पोलिसांचा पाठपुरावा
सायबर पोलिसांनी माहितीच्या आधारे पोर्टल कोणाचे याची माहिती प्राप्त करून लोखंडे यांच्या खात्यातून वळवलेली रक्कम ज्या वॅलेटमध्ये जमा झाली. त्या कंपनीच्या बॅलेटच्या नोडल अधिकाऱ्याला तात्काळ मेल पाठवत सदर रक्कम परत करणेबाबत कळविले. तसेच संबंधीत वॅलेटला पाठपुरावा करुन तक्रारदार यांचे फसवणुकीद्वारे वळविलेली रक्कम तक्रारदार लोखंडे यांच्या बँक खात्यात जमा करण्यात आल्याची माहिती वॅलेट नोडल अधिकारी यांनी पोलिसांना दिली आहे. सायबर पोलिसांच्या या तात्परतेमुळे पैसे परत मिळाल्यामुळे तक्रारदार लोखंडे यांनी समाधान व्यक्त केला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.