यावल (जळगाव) : गरीब आदिवासी कुटूंबासाठी आजची सकाळ अंधार बनून आली होती. कोळवद (ता. यावल) येथील (Yawal) आदीवासी कुटुंबातील चिमकुलीचा विजेचा धक्का (Electric Shock) लागल्याने मृत्यू झाल्याची दुदैवी घटना आज सकाळी घडली. (Breaking Marathi News)
यावल तालुक्यातील कोळवद गावात वास्तव्यास असलेले संजय बिस्मिल्ला तडवी यांची मुलगी मुस्कान तडवी (वय १४) आज (१२ मे) सकाळी साडेआठच्या सुमारास घरातील पाणी भरण्यासाठी पाण्याची मोटर लावत होती. या दरम्यान मोटारीत विजेचा प्रवाह उतरला असल्याने तिला विजेचा धक्का लागून तिचा दुर्दैवी मृत्यू झाल्याची घटना घडली.
रुग्णालयात नेले परंतु..
विजेचा धक्का लागल्याने कुटुंबीय व गावातील काही नागरीकांच्या मदतीने तात्काळ तिला यावल येथे खाजगी रुग्णालयात उपचारासाठी नेले. मात्र येथे तिला वैद्यकीय अधिकारींनी मृत घोषीत केले. मयत मुस्कान तडवीच्या अपघाती मृत्यु झाल्याने गावात सर्वत हळहळ व्यक्त करण्यात येत आहे. सदर या मरण पावलेल्या चिमकुलीच्या आदीवासी कुटुंबास शासनाकडून काहीतरी मदत मिळाल्यास कुटुंबाला हातभार लागेल अशी अपेक्षा परिसरातील आदीवासी बांधवांकडुन व्यक्त करण्यात येत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
