पारोळा (जळगाव) : शेतकऱ्याकडून शेतीच्या उताऱ्यावर कर्जाचा बोजा चढविण्यासाठी एक हजार रुपयाची मागणी केली. या प्रकरणी तलाठ्‍यासह त्याच्या पंटरला जळगाव लाचलुचपत प्रतिबंधक विभागाच्या पथकाने ताब्यात घेतले आहे. दोघांविरोधात गुन्हा दाखल करण्यात आला आहे.
पारोळा (Parola) तालुक्यातील लोणी बुद्रूक येथील तक्रारदार व त्यांच्या कुटुंबीयांच्या नावे साडेसहा एकर शेती आहे. या शेत जमिनीवर तक्रारदाराने गावातील विविध कार्यकारी सहकारी सोसायटीमधून कर्ज घेण्यासाठी अर्ज केला होता. त्यानुसार, सातबारा उताऱ्यावर बोजा चढवणे आवश्यक होते. त्यासाठी तक्रारदार यांनी तलाठी सुभाष विठ्ठल वाघमारे (वय ३४) यांची चोरवड येथील कार्यालयात ४ सप्टेंबरला भेट घेत त्यांच्याशी कामासंदर्भात चर्चा केली. त्यावर तलाठी वाघमारे यांनी तक्रारदाराला सांगितले, की सातबारा उताऱ्यावर कर्जाचा बोजा चढविण्याच्या मोबदल्यात चार उताऱ्याचे प्रत्येकी दोनशे रुपये याप्रमाणे आठशे रुपये व मागील कामाचे दोनशे असे एकूण एक हजार रुपयांची (Bribe) मागणी केली.
याबाबतर तलाठीचा पंटर शरद कोळी याने लाचेची रक्कम त्याच्या फोन पे अकाउंटवर टाकण्यासाठी वेळोवेळी शेतकऱ्याकडे तगादा लावला. यामुळे शेतकऱ्याने (Jalgaon ACB) जळगाव एसीबीकडे तक्रार केली. या तक्रारीच्या अनुषंगाने तलाठी सुभाष वाघमारे व त्याचा पंटर शरद प्रल्हाद कोळी यांना सापळा रचून ताब्यात घेतले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.