आजारपणाला कंटाळून तरूणाची आत्‍महत्‍या

जळगाव : सतत आजारी असल्‍याने या आजारपणाला कंटाळून शहरातील तरूणाने झाडाला रूमालाने बांधून आत्महत्या केली. ही घटना आज समोर आली असून तालुका पोलीस (Police) ठाण्यात अकस्मात मृत्यूची नोंद करण्यात आली आहे. (jalgaon news Young man commits suicide by getting sick)

जळगाव (Jalgaon) शहरातील खोटेनगर परिसरात विलास महाजन हा राहत होता. गेल्या अनेक दिवसांपासून तो आजारी देखील होता. या आजारपणाला कंटाळून विलासने राहत असलेल्‍या ठिकाणावरील झाडाला रुमालाने गळफास घेवून आपली जीवनयात्रा संपवीली. ही घटना परिसरातील रिक्षा स्टॉपवरील रिक्षाचालकांच्या लक्षात आली.

पोलिसांकडून पंचनामा

याबाबतची माहिती तात्काळ पोलिसांना दिल्यानंतर तालुका पोलीस ठाण्याचे पोलीस निरीक्षक रामकृष्ण कुंभार, वासुदेव सोनवणे, सतिष हाळनोर यांनी घटनास्थळी धाव घेत पंचनामा करुन मृतदेह खाली उतरविला. यानंतर शासकीय वैद्यकीय महाविद्यालय व रुग्णालयात (Jalgaon Medical Collage) दाखल केले असता वैद्यकीय अधिकारी डॉ. अजय सोनवणे यांनी तपासणी करीत मयत घोषीत केले. त्याच्या पश्‍चात आई, पत्नी, भाऊ असा परिवार आहे.