जळगाव : विलीनीकरणाच्या मागणीसाठी एसटी कर्मचाऱ्यांनी पुकारलेल्या संपाला तीन महिने पूर्ण झाले. संपामुळे महामंडळाच्या जळगाव विभागाचे ७५ कोटींपर्यंत आर्थिक नुकसान झाले आहे. तर या तीन महिन्‍यात विभागातील ५८७ कर्मचाऱ्यांच्या सेवेला ब्रेक लागला आहे. (Three months of st strike Break service 587 employees loss of 75 crore to Jalgaon division)
राज्‍य परिवहन महामंडळाच्या (MSRTC) कर्मचाऱ्यांना शासकीय कर्मचाऱ्यांप्रमाणे वेतन व इतर लाभ मिळावा; याकरिता महामंडळाचे शासनात विलीनीकरण करण्याच्या मागणीसाठी एसटी कर्मचाऱ्यांनी ७ नोव्हेंबरपासून बेमुदत (St Strike) संपावर आहेत. या आंदोलनाला आता तीन महिने पूर्ण होत असून, काही कर्मचारी अद्याप कामावर (Jalgaon News) रुजू झालेले नाहीत. यामुळे महामंडळातील कर्मचारी संपावर असल्‍याने बस फेरी देखील होत नाहीत.
कोरोनानंतर संपाचा फटका
कर्मचारी आंदोलनातून मागे हटण्यास तयार नाही. याचा सर्वाधिक परिणाम महामंडळाच्या उत्‍पन्‍नावर होत आहे. कोरोनामुळे आधीच तोट्यात गेलेले महामंडळ संपामुळे अधिकच तोट्यात गेले. संपामुळे जळगाव (Jalgaon) विभागाचे सुमारे ७५ कोटी रूपयांचे उत्पन्न बुडाले आहे.
१८४ कर्मचारी बडतर्फ
कामावर येणाऱ्या कर्मचाऱ्यांना विरोध करणाऱ्या कर्मचाऱ्यांवर महामंडळातर्फे कारवाई मोहीम सुरू केली आहे. नोटीसनंतर कारवाई होत असताना देखील कर्मचारी रूजू होत नाही. यामुळे आतापर्यंत ४०३ कर्मचाऱ्यांचे निलंबन, तर १८४ कर्मचाऱ्यांवर बडतर्फीची कारवाई करण्यात आली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
