Jalgaon: राऊत यांच्यावरील ईडी कारवाईचा शिवसेनेकडून निषेध

जळगाव : शिवसेनेचे खासदार संजय राऊत यांना ईडी पथकाने रविवारी चौकशीसाठी बोलविल्याच्या निषेधार्थ महानगर व जिल्हा शिवसेनेकडून (Shiv Sena) निषेध व्यक्त करण्यात आला. यावेळी केंद्र शासनाच्‍या विरोधात जोरदार घोषणाबाजी केली. (Jalgaon Shiv Sena News)

केंद्र सरकार विरोधात व ईडी (ED) विरोधात जळगाव (Jalgaon) महापालिकेचा मुख्य इमारतीसमोर घोषणाबाजी करत सेना पदाधिकाऱ्यांनी खासदार संजय राऊत (Sanjay Raut) यांना समर्थन केले. केंद्र सरकार इडीच्या माध्यमातून हेतू पुरस्‍कर कारवाया करीत असल्याचा आरोप शिवसेनेने केला आहे. शिवसेनेकडून काळ्या फिती बांधून निषेध करण्यात आला.

केंद्र सरकारविरोधात दिल्या घोषणा

शिवसेनेचे खासदार संजय राऊत यांच्‍या निवासस्‍थानी ईडीचे अधिकारी जावून चौकशी केली. तसेच रात्री संजय राऊत यांना ताब्‍यात घेतले. या विरोधात शिवसेना आक्रमक झाली असून केंद्र सरकारच्‍या विरोधात घोषणाबाजी केली.