जळगाव : शालेय विद्यार्थ्यांसाठी एसटी महामंडळाची सवलतीची पास दिली जात असते. परंतु, बनावट पासची विक्री करून फसवणूक केल्‍याचा प्रकार प्रकार नशिराबाद- बेळी मार्गावर जळगाव (Jalgaon) आगाराच्या बसमध्ये समोर आला आहे. याप्रकरणी जिल्हा पेठ पोलीस (Police) ठाण्यात गुन्हा दाखल करण्यात आला आहे. (Jalgaon News St Bus Student Pass)
राज्‍य परिवहन महामंडळाच्‍या (MSRTC) जळगाव आगाराचे वाहक विनोद पाटील हे नशिराबाद मार्गावर ड्युटीवर होते. या दरम्‍यान एका विद्यार्थ्याच्या पासबाबत शंका आल्याने त्यांनी या विद्यार्थ्याला (Student) जळगाव आगारात आणले. तेथे पासची पडताळणी केली असता या पासबाबत नोंदच नसल्‍याचे समोर आले. हा पास बाहेरुन बनविला असून तो मित्र माझ्यासोबतच शिक्षण घेत असल्याचे सदर मुलाने सांगितले.
झेरॉक्‍स दुकानातून पासची विक्री
मुलाने दिलेल्‍या माहितीनुसार वाहकाने जिल्हा पेठ पोलीस ठाणे गाठून निरीक्षक अरुण धनवडे यांची भेट घेऊन माहिती दिली. यानंतर तपास केला असता हा पास जळगाव शहरातील आंबेडकर मार्केट येथील दुकानातून विक्री होत असल्याचे उघड झाले आहे. याबाबत जिल्हा पेठ पोलिस स्‍टेशनला गुन्हा दाखल झाला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
