Nandurbar: राजस्‍थानातील घटनेचा निषेध; मटके फोडून भीम आर्मीचे आंदोलन

नंदुरबार : राजस्थानमध्‍ये शिक्षकाच्या माठातून पाणी पिल्याने विद्याथ्‍र्याला मारहाण झाली. या मारहाणीत विद्यार्थ्यांच्या मृत्यू झाला. यामुळे शिक्षकावर कठोर कारवाईची मागणी करत (Nandurbar) नंदुरबार जिल्ह्यातील दलित समाजाने भीम आर्मीच्यावतीने शहरात आंदोलन केले. तसेच दलित समाजावरील झालेल्या अन्यायाचा निषेध व्यक्त केला. (Nandurbar News Rajasthan Student Death Issue)

राजस्थान (Rajasthan) राज्यातील जालोर सुराणा गाव येथील इयत्ता तिसरीत शिकणाऱ्या इंद्रकुमार मेघवाल ९ वर्षीय विद्यार्थ्याने (Student) शिक्षकाच्या माठातून पाणी पिल्याने जातीयवादी विचारसरणीतून शिक्षकाने विद्यार्थ्याला जबर मारहाण केली होती. सदर विद्यार्थ्यांचा अहमदाबाद रुग्णालयात (Hospital) उपचारादरम्यान मृत्यू झाल्याची दुर्दैवी घटना घडली आहे. आरोपी शिक्षक छेलसिंह यांच्यावर कठोर कारवाई करून फाशीची शिक्षा द्यावी. अशी मागणी करत सदर घटनेचा निषेध व्यक्त करत महिलांनी दलित समाजावरील अन्याया विरोधात मातीचे मटके फोडून निषेध व्यक्त केला.

निवेदनाद्वारे राष्‍ट्रपतींकडे मागणी

याव्यतिरिक्त नाशिक, यवतमाळ, उस्मानाबाद जिल्ह्यांमध्ये दलित समाजावर झालेल्या अन्यायाचा उल्लेख करत प्रशासनाने कठोर कारवाई करावी अशा मागणीचे निवेदन भीम आर्मीच्यावतीने प्रशासनाला देऊन थेट राष्ट्रपतींकडे मागणी करण्यात आली आहे.