भडगाव (जळगाव) : वाडे (ता. भडगाव) येथील माध्यमिक विद्यालयाच्‍या ओट्यावरील छताला एका प्रेमी युगलाने एकाच दोरीला गळफास घेऊन आत्महत्या केली. युवकाने मध्‍यरात्री मोबाईलवर बायचे स्‍टेटस ठेवून गळफास घेतला. सदर घटना सकाळी उघडकीस आली असून या घटनेने खळबळ उडाली आहे. (jalgaon-news-night-bye-status-and-love-couple-suicide-school-aria)
वाडे येथील माध्यमिक विद्यालयात रात्री एक तरूण आणि तरूणीने गळफास घेतल्याची घटना घडली आहे. प्राथमिक माहितीनुसार हे प्रेमी युगल असून विवाहाला समाज मान्यता देणार नाही; या भितीपोटी त्यांनी हे टोकाचे पाऊल उचलल्याचे समजते. माध्यमिक विद्यालयातील पहिल्या मजल्यावर जिन्यावर जाऊन गळफास घेत त्यांनी आपली जीवनयात्रा संपविली. मुकेश कैलास सोनवणे (वय २२, रा. वाडे, ता. भडगाव) आणि तरूणी ही नेहा बापू ठाकरे (वय १९, रा. वाडे) असे या प्रेमी युगूलाचे नाव आहे.
दोघेही एकाच समाजाचे
घटनेची माहिती मिळताच परिसरातील ग्रामस्थांसह भडगाव पोलीस स्थानकाच्या कर्मचार्‍यांनी घटनास्थळी धाव घेतली. तेव्हा यातील तरूण हा मुकेश सोनवणे आणि तरूणी नेहा ठाकरे असल्याचे समजले. हे दोन्ही एकाच समाजाचे असल्याचे वृत्त आहे. या दोन्ही जणांचे मृतदेह खाली उतरवून त्यांच्या पार्थिवाला शव विच्छेदनासाठी पाठविण्यात आले आहे. प्रकरणी पोलीस पाटील अरविंद फकीरा पाटील यांच्या खबरीवरून गुन्हा दाखल केला असून पुढील तपास पीएसआय सुशील सोनवणे करीत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.